Diyarname
Ev lêkolîn gelek balkêş e: Derziyek 50 hezar salî. Ev yek hinek fikran ser û bin dike.
Li gor nûçeya Erman Ertugrul a di Arkeofili de lêkolîneran di şikeftek a li Çiyayên Altay ku li ser koka mirovan lêkolînê dikin de derziyek dîtin ku di derzî de kuna ji bo ben têre derbas bikin jî heye. Tê gotin ku ji aliyê Denîsovayiyan ve 50 hezar sal berê ev derzî hatiye bikaranîn û derzî heta îro hatiye parastin jî. Di nûçeyê de tê gotin, tê texmîn kirin ku derzî ji hestiyê çivînekek hê nav li wê çivîkê nekirine hatiye çêkirin.
Midûrê Enstîtuya Etnografî û Arkeolojiyê ya li Novosîbirskê Prof. Mikhail Shunkov deriyê wekî gelek balkêş dibîne û dibêje, "Ev derziya ku ji hestiyê hatiye çêkirin derziya ku heta niha hatiye dîtin a herî kevn e. Nêzî 50 hezar salî."
Dr. Maksîm Kozlîkîn ku berpirsê kolandinên li Şikefta Denîsova ye wisa dibêje: "Derzî 5 santîm û 7 mîlîmetre ye, ev derziya herî dirêj a li Şikefta Denîsova hatiye dîtin. Berê jî li vir me derzî dîtibûn lê aîdê serdema ji vê nûtir bûn."
Li Şikefta Denîsova berê tiştinên wekî vê hatibûn dîtin aîdê 40 hezar sal berê bûn. Arkeologan ev derzî di tebeqeya bermahiyên Denîsovayiyan de dîtiye.