Diyarname

Lîstikvana navdar a sînemaya Îtalyayê Monica Vitti di 90 saliya xwe de mir. Gelek kesî ji bo vê yekê xemgîniya xwe anî ziman.

Lîstikvana sînemaya Monica Vitti di sala 1931'ê de li Romayê hatibû dinê. Di jiyana xwe de di gelek fîlmên îtalî de lîstibû û li Îtalyayê gelek xelat girtibûn. Ew di ala 1960'î de bi fîlmê "The Adventure" navdar bûbû. Vitti îro mir.

Şaredarê berê yê Romayê Walter Veltroni got "Îtalyayê kralîçeya sînemayê ji dest da." Lîstikvana navdar Spohia Loren jî ji bo mirina Vitti peyam belav kir û diyar kir ku gelek xemgîn e.

Serokwezîrê Îtalyayê Mario Draghi ji bo wê wisa got, "Ew xwedî jîrekiyeke harîkulade bû. Wê dilê îtalyanan fetih kiribû."

Wezîrê Çandê Dario Franceschini jî wisa got, "Oxir be Monica Vitti, oxir be qraliçeya ÎTalyayê. Îro bi rastî rojeke xemgîn e, me hunermendeke xwe ya mezin, me îtalya winda kir."