Diyarname

Li Kerkûkê 2'yemîn Festîvala Şanoyê ya Kerkûkê li dar ket. Şano bi belavkirina xelatan bi dawî bû. Ji gelek welatan şanoger li Kerkûkê bûn.

Festîvala yekemîn di sala 2019'an de li dar ketibû, lê par ji ber pandemiyê ya duyemîn li dar neketibû mabû îsal. 2'yemîn Festîvala Şanoyê ya Kerkûkê îsal roja 26'ê mehê li dar ket.  14 lîstik di şanoyê de hatin pêşkêş kirin û îşev festîval bi dawî bû.

Ji bakur Teatra Jiyana Nû (TJN) bi lîstika xwe "Tenê Ez" li festîvalê bû. TJN'ê xelata Sînografiyê ya Herî Serketî girt. Şanoya Bajêr a Amedê jî bi lîstika xwe "Tartuffe" li festîvalê bû. Lîstikvanê "Tartuffe" Yavuz Akkuzu Xelata Lîstivkanê Herî Serketî girt. Her wiha derhênerê lîstikê Ruknettin Gun jî Xelata Derhênerê  Herî Serketî girt. Ji Hewlêrê lîstikvan Çawan Xelîl jî Xelata Lîstikvana Herî Serketî girt.