Diyarname
Festîvala Fîlman a Sûc û Cezayê vê mehê dê li dar bikeve û diruşma wê "Edaleta Hawirê" ye. Festîvalê niha serok û endamên juriyê eşkere kirin.
Festivala Fîlman a Sûc û Cezayê ya Navneteweyî îsal di navbera 26'ê sermawezê û 2'yê berfanbarê de li dar dikeve. Festîvala ku li Stenbolê ev bû 11 sal in li dar dikeve di bin banê wê de Pêşbaziya Fîlmên Metrajdirê a Teraziya Zêrîn li dar dikeve. Festîvalê niha serok û endamên vê juriyê eşkere kir. Ji bo serokatiya juriyê navê derhêner, sazkar û lîstikvana îranî Nîkî Karîmî hat eşkere kirin. Di nav endamên juriyê de jî ji Bulgaristanê rêveber û sazkar Mira Stalevave, ji Ukraynayê rêveberê bernameya Festîvala Fîlman a Live Bohdan Zhuk, ji Tirkiyeyê lîstikvan Mehmet Aslantug û derhêner Pelin Esmer hene.
Festîval êvara 25'ê mehê bi merasimek ku dê li Navenda Çanda Nazim Hîkmet a Şaredariya Şîşliyê li dar bikeve dest pê bike. Fîlm îsal li Sînemaya Atlas 1848 û Sînemaya Kadikoy bêne nîşandayîn. Li aliy^edin li Zanîngeha Hiqûqê ya Stenbolê dê bi sernavê "Edaleta Hawirê" bernameyên akademîk li dar bikevin. Di rojên 27-28'ê mehê de dê du rojan li ser pêşketinên di nav endustriyê de nîqaş bêne kirin.
JURIYÊN DIN
Li aliyê din endamên juriyê yên Pêşbaziya Kurtefîlman jî hat eşkere kirin. Serokatiya juriya kurtefîlman adamîsyen û derhêner Can Candan dike. Derhêner Reem Salem û lîstikvan Tûlîn Ozen jî endamên juriyê ne.