Diyarname

Îro sê maç hebûn, lê ya balkêş maça Avusturya û Makedonyaya Bakur bû. Avusturya bi ser ket û dîrokek nû nivîsî.

Em qal bikin: Di Koma C de Avusturya û Makedonyaya Bakur hatin hemberî hev. Makedonya di dîroka xwe de yekemîn car beşdarî tûrnûvayê dibû, serketin, golavêtin dê biba dîrokek. Û ger bi ser biketa û 3 pûan bigirta dê biba xweşiya ser xweşiyan lê nebû. Tenê ev çêbû: Di deqîqeya 28'an de Goran Pandev li ser navê tîma xwe golek avêt û bû yekemîn makedon ku di vê tûrnûvayê de golê diavêje.

Û ji bo Avusturya meseleyeke din hebû. Avusturya berê jî beşdarî tûrnûvayê bûbû lê qet bi ser neketibû. Di sê tûrnûvayan de Avusturya cih girtibû, heta niha 5 gol avêtibûn di wan maçan de lê qet bi ser neketibû. Îro bi serketinê re Avusturyayê jî rûpeleke nû li dîroka xwe kir. Her wiha bi avêtina 3 golan jî avantajek baş bi dest xist.

Di deqîqeya 18'an de li ser navê wan Stefan Lainer golek avêt. Deqe 28'an de Makedonyaya Bakur bersiv da û nîveka yekemîn wisa bi dawî bû. Di deqîqeya 78'an de Michael Gregoritsch carek din tîma xwe derxist pêş. Û di deqîqeya 89'a de Marko Arnautovic got sê pûan jî ev maç jî a me ye.

Maçên din

Berî vê maçê, ji Koma D maça Îngilistan û Hirvatistanê hebû. Îngilizan bi 1-0 maç bi dest xist.

Maça din a rojê ji Koma C ye û saet 22'yan de dê Hollanda û Ûkrayna bên hemberî hev.