Diyarname

Di maça nîv fînalê ya Euro 2020'î de Îngilistanê tîma Danîmarkayê di deqîqeyên zêdek de bi 2-1 têk bir û bû reqîbê Îtalyayê.

Maça nîv fînalê ji bo Îngilistanê muhîm bû ji ber ku het aniha qet derneketibûn fînala Euroyê û niha xwe baş amade kiribûn.

Pêşî denê golê ji Danîmarkayê hat. Lîstikvanê danîmarkî Gamsgaard di deqîqeya 30'î de bi 1-0 derket pêş. Paşê îngilîzan di deqîqeya 39'an de bi Simon Kjaer bersiv da: 1-1. Di nîveka yekemîn û duyemîn de wekî din tu hes û hewar ji tîman derneket û maç derbasî 30 deqîqeyên zêde bû. Ji her tûrnûvayê zêdetir di vê tûrnûvayê de maç dirêj dibin, deqeyên zêde, bi ser de penaltî têne avêtin. Û di vê maçê de jî ev rewş dewam kir. Harry Kane di deqîqeya 104'an de li ser navê Îngilistanê gotina dawî got: 2-1.

Bi vê encamê re Îngilistana di dîroka xwe de yekem car derket fînala Şampiyoniya Ewropayê.

Îngilistanê di sala 1966'an de Kûpaya Cîhanê bi dest xistibû. Ji wê demê de jî yekem car de di tûrnûvayeke de derdikeve fînalê.

Îtalya jî Spanya têk biribû û hatibû fînalê. Îtalya û ÎNgilistan 11'ê mehê dê bi hev re bilîzin.