Diyarname

Du lîgên mezin ên Ewropayê îro û sibê di nav heyecana şampiyoniyê de ne. Wê kîjan bi ser bikeve? Heyecan gihîştiye lûtkeyê.

Li La Lîgayê Atletico Madrid bi siûd e

Di lîga fûtbolê ya Spanyayê de du tîm li dû şampiyoniyê ne. Atletico Madrid bi 83 Pûanan di rêza yekemîn, Real Madrid bi 81 pûanî di rêza duyemîn de ye. Her du jî îro dilîzin û encam dê diyar bibe. Barselona bi 76 pûanan di rêza 3'yemîn de cih girtiye.

Îro saet 19'an de lîder Atletico Madrid diçe Valladolidê. Real Madrid ku çavek wê li Atletico ye, li mala xwe Villarealê dike mêvan. Ji bo Atletico Madrîdê tenê pûanek lazim e. Lewra averaja wê ji ya Real Madridê baştir e. Ji bo Real Madrid bibe şampiyon divê Atletico tek here û Real jî bi ser bikeve.

Lille û PSG bi heyecan in

Di lîga Fransayê de jî Lille û PSG li dû şampiyoniyê ne. Lille bi 80 pûanan di rêza yekemîn, li dû wê PSG xwedî 79 pûanan e.

Maça herduyan jî saet 22'yan ed tê lîstin. Lille diçe Angersê, PSG diçe Brestê. Ji bo Lille bibe şampiyon divê miheqeq bi ser bikeve. Wekhev bimîne û PSG bi ser bikeve PSG dibe şampiyon. Lille têk here, PSG wekhev bimîne dîsa PSG dibe şampiyon ji ber ku avaraja wê baştir e.

Lîgên din ên Ewropayê

Di lîgên din ên Ewropayê de li Îngilistanê Manchester City, li ALmanyayê Bayer Munih, li Îtalyayê Inter, li Tirkiyeyê Beşîktaş, li Hollandayê Ajaks, li Portekîzê Sporting Lizbon bûbûn şampiyon.