Diyarname

BBC di sala 1995'an de ligel Prenses Diana hevpeyvînek kiribû û ew di kanalê de beşa Panoramayê de hatibû weşandin.

Niha di encama lêkolîneke de BBC sûcdar hat dîtin. Mesele bi vî rengî ye: Nûçegîhanê BBC Martin Bashir ji bo ku ligel Prenses Diana hevpeyvînê bike jêre gotibû ku malbata qraliyetê wê bi veşarî dişopîne. Ji bo vê şopandinê pere dane hin kesan. Di wê demê de kaxizên ku nîşan didin ku pere dane hinan hem nîşanî Diana dabûn, hem nîşanî birê wê Charles Spencerdabûn. Bi vê yekê re Diana qebûl kiribû ku hevpeyvînê bide BBC. 

Li ser vê meseleyê dadgerê berê John Dyson lêpirsîn dabû dest pê kirinû li ser vê raporek amade kir. Di raporê de derket holê ku Midûrê Giştî yê BBC yên berê Tony Hall jî mesele veşartibû.

Kurê Prenses Diana Prens William li ser raporê dibêje ku ji ber vê xapandinê, dibe ku diya wî tiştên ku gotine di bin bandora vê kirinê de gotine.

Prens William wisa gotiye: "Bi hevpeyvînê re têkiliyên dê û bavê me xirabtir bûn û ji wê demê de gelek kes ji ber vê êşiyan"

"Ne tenê nûçegîhanekî hîlebaz, di heman demê de ji aliyê rêveberên BBC ku ji dêvla pirsên zor bipirsin pirsên hêsan pirsîn ve jî diya min bi tenê hat hiştin."

Birê Prens William, Prens Harry jî wisa gotiye: "Diya me kesek mikemel bû ku jiyana xwe ji bo xizmeta mirovan xerc kir. BErxwedêr, dilpola û bêşik dirust bû. Çanda kedxwar û tiştên ne etîk Bûn sedem ku ew bimire."

Prens Harry dibêje ku tiştên wisa hê jî têne kirin, diya wan ji ber vê yekê mir û hê jî tiştek neguhuriye.

Piştî vê raporê BBC dê li ser van îdîyan lêpirsînê bide dest pê kirin.

Di wê hevpevyînê de Prenses Diana qebûl kiribû ku ligel kesekî din têkiliya wê heye û li ser têkiliya xwe û mêrê xwe Prens Charles agahî dabûn. Zewaca wan di sala 1966'an de bi dawî bûbû û di gelawêja 1997'An de li Parîsa Fransayê di qezaya trafîkê de ew miribû.

Rojnameyên Îngilistanê ev yek kir marşeta rojnameyan.

Daily Mirror, Daily Express, The Sun, Times, Daily Mail li ser meseleyê nûçe weşandin û cih dan gotinên kurên wê.