Diyarname

Yekîtiya Ewropayê (YE) îro 19'ê gulanê bi raporekî da xuya kirin ewê muzakereyên ji bo berendametiya Tirkiyê bide rawestandin.

Rapora ku hatibû amadekirin îro li Parlemena Ewropayê (PE) xistin dengdanê. Li hember 64 dengên na, bi 480 dengên erê yên Parlementerên Ewropî rapor pejirand.

DEMÎRTAŞ Û GIRTIYÊN SIYASÎ BERDIN

Rapor bi awayeke vekirî ji Tirkiyeyê dixwaze "jenosid"a ermeniyan nas bike, di serî de Selahattin Demirtaş hemû girtiyên siyasî serbest berde.

Yekîtiya Ewropayê ji ber van xalan Tirkiyeyê bi tundî rexne dike:

- Sistema serokatiyê ya li Tirkiyeyê zêde otorîtere e.

- Hemû biryarên derheqê qedera welêt de bi navendê de ve hatine girêdan.

- Mafên bingehîn yên welatiyan ji wan hatiye sitendin.

- Pergala Edaleta Tirkiyeyê ne bi serê xwe ye, serdestiya hiqûqê ji holê rabûye.

- Qanûnên antîterorê li derveyê armancên wan xirab bikartîne.

- Siyaseta derve ya Tirkiyeyê li ser bingeha şerxwaz û dijminahiyê dimeşe. Bi taybetî li hemberî Yewnanistan, Qibris, Bakurê Suriyê, Libya û li Karabaxê.

- Siyaseta wê ya derve li dijî nirx û pîvanên Yekîtiya Ewropayê ye.

- Di siyasta hundur de di serî de HDP pêşî li xebatên muxalefetê  hatiye gritin.

Yekitya Ewropayê di raporê de bi awayeke lezgîn bang li Tirkiyeyê dike ku van gavan bavêje:

- Ji bo aştiya navbera gelên ermenî û tirk divê Tirkiye 'jenocîda' qirkirina Ermeniyan nas bike.

- Hemû parazvanên mafên mirovan, rojnameger, parêzer, xwendekarên zanîngehê û hemû kesên ku bi îdîayên bê bingeh hatine girtin serbest berde.

PIŞTGIRIYA SAZIYÊN SIVÎL

Rapor dide zanîn ku li Tirkiyê ji gelek derdorên cuda hêjmareke mezin ya saziyên civaka sivîl hene li hember hikumeta Tirkiyeyê ya otorîter li ber xwe didin û pêşniyaz li Komîsyona Ewropayê dike ku ji aliyê aborî ve piştgirî bide van saziyên sivîl.

Yekîtiya Ewropayê bang li hemû sazî û dezgehên girêdayî xwe dike ku bername û tekiliyên xwe yên bi Tirkiyeyê re bi şertên reformên wê yên demokratîk ve girê bidin.

Rapora mijara gotinê ji aliyê parlementerê spanyolî Nacho Sanchey Amor ve hatibû amade kirin.

Balkêş e ku li tu dereke raporê de gotina "kurd" cîh nagire û behsa zexta li ser kurdan ya li welêt û derveyê welêt nayê kirin.

Di raporê de tê xwestin ku di serî de Selahattin Demirtaş hemû girtiyên siyasî bêne berdan.