Diyarname

Tabloyê hunermendê amerîkî JonOne galeriya hunerî ay Lotte World Mall de bî. JonOne eno tablo di serey 2016'inan de verê temaşekaran de viraşt bî. Tabloyo ke 240x700 cm yo galeriya ke Seulê Başûrê Kore Seûl de wa de bî. Galerî de ew tablo dêsde wo û firçe û boyaxê ke pê viraştê jî verê dêsî de yenê pêşkêşkerdin.  La enka qeza viraziya û tablo xerepiya. Pîrek û mêrdeyke hamey galerî, va qet meymanî eşkenê bi ê boyax û firçeyê gorey xo ra şikil bidê tablo. Înan zî firçe girot û gorey xo tablo boyax kerd. Bi eno awa tabloyo ke 500 hezar dolar o xerepiya. Peywirdarê galerî haynay kamerayan ra û wirdî tenî girotî bin çiman. La dima ra ke fam kerdê înan bi şaşî boyax kerdo hamey veradayişî.

Rêveberê galerî Kang Wook vato ke ene "xetayke dirust a" û ana dewam kerdo, "Semedo ê niyet başî bî ma der heqê înan de dewa nêkenê a. Înan vato qey meynanî bi ê firçe û boyaxan eşkenê tablo boyax bikerê. Enka ma wayîrê tabloydir xeberî danê ke ka ew wazeno tablo restore bikero yan nê." Dimay mesela ra dewrê tabloy hame girotişî û not verê tabloy de hame niştişî ke dest nêdê.

Sputnik ra hamiye girotişî