Diyarname

Tirkiya de merdimî balê xo danê fûtbolê mêrdan la fûtbolê pîrekan zî esto. Tîma pîrekan ay fûtbolî ay Amed Sporî zî esta û di Lîga Yewînde tay kena. Tîma Hakkarîgucu zî ene lîge de wa. Maçê emsarî 17'ê ene aşme dest pa kenê.

Tirkiya de di fûtbolê pîrekan de Lîga Yewîne a Fûtbolê Pîrekan, lîga 2'yin û 3'yin esta. Tîmê prefesyonelî di enî tîman de kay kenê. Tîma Amed Sporî û tîma Hakkarigucu Spor a pîrekan esta û di Lîga Yewîn de wa. Qeybî serdemê 2020-2021'yinan pişke hamî antişî. Di serdemê 2020-2021'yin de tîmê par bi ser kewtî bî heqê hamiyayişê miyanê koman girotî destê xo. Maçê koma zey play-offî yenê kaykerdişî û dimara çarîk fînal, nîm fînal û di fînal de şampiyonê sere go eşkera bibo. Tîmo ke bibo şampiyon go serê namey Tirkiya de go şora Lîgey ŞAmpiyonan a Pîrekan a UEFA.

KOMA A, AMED

Gorey pişke ra A, B, C, D çar komî hamey viraştişî. Tîma Amed Sporî kewte Koma A û tîmê Beşîktaş, Fatih Vatan Spor û İlkadim Belediye Yabancilar Pazari bî reqîbê ay. Amed Spor 17'ê aşme go Fatih Vatan, 20'ê aşme de Beşîktaş û 23'yê aşme de İlkadim BLD Yabancilar Pazarîdir kay bikero.

KOMA B, HAKKARÎ

Tîmê fûtbolî yê pîrekan ê Hakkarîgucu Spor pişke de kewte Koma B û Ataşiher Belediye, 1207 Antalya û Adana Îdmanyurdu bî reqîbê ay.

Hakkarîgucu 17'ê aşme de bi Adana Îdmanyurdu, 20'ê aşme Antalya, û 23'yê aşme de zî Ataşehir Belediyedir go kay bikero.

MAÇÎ ANTALYA DE YÊ

Heme maçî Antalya de yenê kaykerdişî. Di koman de wirdî tîmê bibê yewîn û diyin go derbasê çarîk fînalî bibê. Di nîm fînal de di tîmên go derbasê fînalî bibê û qeybî şampiyonî kay bikerê, di tîmên bînî go qeybî maçey hîriyîne kay bikerê.

Tîmey pîrekan a Amed Sporî di Lîga 1'în de wa, tîmey fûtbolî ya mêrdan a Amed Sporî di Lîga 2'yin de kay kena. Hetê mêrdan de tîmê fûtbolî yê Culemêrgê di beşa profesyonel de çiniya.