Diyarname
Kovara Bîrnebûn ku li Swêdê tê amadekirin û weşana wê zêdetir li ser kurdên Anatoliyê ye bi hejmara xwe ya 78'an li pêşberî xwendevanan e.
Birnebûna bi kurdî her sê mehan carek dertê. Di hejmara 78'an de Alî Çîftçî, Abdulbaki Xalîsînan, Seyfi Doğan, Fatos Koyuncuer Brunner, S. Erdem, Dr Mikaîlî, Mûlla Evîndar, Ecevit Yıldırım, Mem Xelîkan, Nuh Ateş, Ehmed Mîlan, Şefîk Pêşeng, Memduh Selîm, Îhsan Turkmen, Mehtab Îdelî, Xizan Șîlan, Hesenê Metê, Zinarê Xamo, Dr. Prof. Kinyazê Îbrahîm Mîrzoyev, Seyîdxan Anter, Bêrîvan Keskîn, Abdurrahman Benek bi xebatên xwe têde cih girtine.
Di vê hejmarê de ligel Keya Îzol li ser Federasyona Komeleyên Kurdistanê li Swêdê hevpeyvînek hatiye kirin.
Dema bahsa kurdên Swêdê dibe, yekser pêşketina zimanê kurdî, nivîskarîya bi zimanê kurdî û Ekola Swêdê tê dengkirin. Yek ji sitûnên wê helbet birêxistinkirina komeleyên kurdistanî bû ku di destpêka 1981an de, piştî Komela Xwendekarên Kurd li Ewropa (KSSE), li derveyî welêt yekemcar bû bi temsîlkarîya ji her çar alîyên Kurdistanê Federasyona Komeleyên Kurdistanê li Swêdê hat avakirin. Ya herî girîng jî ew biryar bû ku zimanê kurdî zimanê Federasyonê yê resmî be û bi vê re jî derxistina kovara Berbangê ku tenê bi kurdî bêt weşandin. Îsal Federasyonê kongreya xwe ya 29'an pêk anî. Keya Îzol ku yek ji wan kesan e ku di pêşengîya avakirin û rêvebirina Federasyonê de kedeka pir daye û bi salan serokatîya Federasyonê kiriye ji bo xwendevanên Bîrnebûnê qala vê serdemê kiriye.
Nivîskar Şefîq Pêşeng bi nivîsa "Li gundekî şêxbizinîyan" ku nivîseke bîranînî ye ked daye koarê. Pêşeng qala bîranîna xwe ya kurdên Anatolîyê û her wiha danûstendinên xwe yên bi wan re li derveyî welêt dike.
Hesenê Metê jî kurteçîrokek bi navê "Koçan" cih girtiye. Ji bo têkilî: Navnîşana li Swêdê Mail: info@apectryck.se Web: www.birnebun.eu