Diyarname
Federasyona Fûtbolê ya Îranê ragihand ku bilêtên alîgirên wan ên ku dê bihata li maçan temaşe bikirana hatine betalkirin. 
Federasyonê bertek nîşanî betalkirina bilêtan da û got, "Li gor rêgezên FIFA'yê, ji bo hemû federasyonên beşdarî kûpayê bûne FIFA'yê sedî 8 bilêt dane wan ku li alîgirên xwe belav bikin. Me dest bi firotina van bilêtan kiriye lê biryara betalkirina bilêtan hatiye. Ev yek dijî rêgeza wekheviyê ye. FIFA li gor biryarên siyasî tevdigere."

Federasyona Îranê bang li FIFA'yê kiriye ku bê alî, adil û li gor biryarên heyî tevbigere.

LI SER ÎRANÊ AGAHIYÊN DIN
Roja 25'ê gulana îsal DYA'yê ku ew jî yek ji mazûvanan e gotibû ew naxwazin ji bo Tîma Neteweyî ya Îranê mazûvanî bikin. Li ser vê, Îranê navenda kampa xwe ya ji bo Kûpaya Cîhanê ji Tucsona Arîzonayê biribû  Tijuanaya Meksîkayê.
6'ê vê mehê jî Îranê gotibû DYA'yê nehiştiye beşek ji heyeta wan a îdarî û teknîkî bikeve DYA'yê. Federasyonê gotibû ji bo 15 kesî destûr nehatiye dayîn.