Diyarname
Pêşbaziya Çîrokan a Abdullah Duran ku Egîtîm Sena Amedê li dar dixin îsal cara 5'an dest pê kir.
Pêşbaziya ku kesên bixwazin dikarin bi berhemên xwe yên tirkî û kurdî (kurmancî, zazakî) beşdar bibin, roja serîlêdana dawî 30'ê sermawezê ye.
Di pêşbazî de ji bo yekemîn hezar, duyemîn 750 û sêyemîn jî dê 500 TL wekî xelat pere û plaketek bidin kesên bi ser ketine. Her wiha yên bibin 4, 5, 6'emîn jî dê bi xelata mansiyonê bêne xelat kirin.
Di nav endamên juriyê yên beşa tirkî de Yavuz Ekinci, Murat Ozyaşar, Mehmet Yilmaz, Abdullah Ataşçi, Behcet Çelik, Ethem Baran û Feryal Tilmaç hene.
Di beşa kurmancî de Elîxan loran, Azad Zal, Sîdar Jîr, Edîb Polat û Omer Dilsoz, di beşa kirdkî (zazakî) de jî Cafer Yamiş, Heyder Diljen, Suleyman Yilmaz, Mahmut Yoruk û Muzaffer Ozdemir hene.
Şertên Pêşbaziyê
1.Zimanê pêşbaziyê Kurdî (Kurmancî,Dimilî) û Tirkî ye.
2.Çîrok dê ji hêla bikaranîna zimên, wêjeyî, tevin û nirxên mirovane bêne nirxandin.
3.Ji hêla mijarê (tema) ve beşdar serbest in.
4.Dibe ku ji bo zarokan an jî ji bo mezinan hatibin nivîsandin.
5.Divê çîrok bi hêsanî bêne xwendin û heke pêkan be bi riya internetê bigihin ber destê me.
6.Divê çîrok berî 30.11.2011’an bigihine ber destê me.
7.Çîrokên ji bo pêşbaziyê bigihin ber destê me, li xwediyên xwe nayên vegerandin û mafê Eğitim- Sen Şaxa Amedê heye bi her awayî wan çap bike.
8.Li gorî derfetan, çîrokên xelatwergirtî dê çap bibin û dê bêpere li gel bêne belav kirin.
9.Di çîrokan de sînorkirina rûpelan tuneye lê çîrok divê li gorî formata çîrokê bin.
10. Beşdar, di her zimanekî/zaravayekî de, tenê bi çîrokekê dikarin beşdar bibin.
11.Encama pêşbaziyê dê di 16.03.2012’an de aşkere bibe.
12.Merasîma xelatan dê di 30.03.2012’an de pêk were.
Ji bo şandina berheman û kesên eleqedar:
NAVNÎŞAN: Egitim-Sen Diyarbakır şubesi Kalender Center kat:6 No:9 Yenişehir - Amed
Tel: 0412 2232754- 0505 4823050- 0533 6358652
E-mail: abdullahduranoyku@hotmail.com