Diyarname
Kovara çand û hunerî Tîrojê hejmara xwe ya nû derxist. Di hejmara 50'î ya Tîrojê de nivîs, gotûbêj, helbest û werger hene.

Kovara du mehane Tîrojê hejmara xwe ya gulan-pûşperê derxist. Di vê hejmarê de gelek nivîs û hevpeyvîn hatine weşandin. Di hevpeyvîna ku bi nivîskar Faik Bulut re hatiye kirin de Bulut li ser bûyerên dawî yên li Rojhilata Navîn û li welatên ereban dîtinên xwe aniye ziman. Yek ji hevpeyvînan jî bi Helîm Yûsiv re li ser wêjeyê hatiye kirin. Di hevpeyvîna ku bi nivîskar Edîb Polat re hatiye kirin de Polat qala romana xwe ya dawî "Dûpişk bi xwevenade" kiriye.

Ji nav nivîsên di kovarê de hatine weşandin niviskar Fehim Işik bi sernavê "Belgefîlmekî dîroka nêz: Rewşen" li ser belgefîlmê Cemil Oguz ê bi navê "Rewşen"ê nivîseke rexneyî nivîsandiye.
Nivîskar Ronî War jî li ser fûarên pirtûkan, girîngiya fûaran a ji bo weşanxane û weşanan dîtinên xwe aniye ziman. Wênesaz û nivîskar Fewzî Bîlge jî bi sernavê "Perperokên Nemir yên Jovan Horî" li ser wêneyên wênesaz Jovan Horî nivîsene nirxandinî pêşkêş kiriye.

Her wiha Ferda Çetin, Mehmet Bayrak, Omer Uluçay, Murat Ozyaşar, Tonguç Ok, Lokman Polat, Serpil İlgun, Cuma Boynukara, İ. Halil Baran, Çidem Baran, Ragip Zarakolu, Bariş Avşar, Ali Akin, Dawud Rêbiwar, Mehmet Akgul, Abdurrahman Onen, Lorin S. Dogan bi nivîsên xwe di nav kovarê de cih girtine. Her wiha helbestên kesên wekî Ahmed Arif, Ali Aydin Çiçek, Gulistan Baran, Kenanê Nado, Mihemed Avşar, Reyhan Sarhan jî hatine weşandin.