Diyarname
Di 30’emîn Festîvala Navneteweyî ya Stenbolê de endamên juriyê yên Pêşbaziya Neteweyî û Pêşbaziya Navneteweyî di civînekê de derketin pêşberî çapemeniyê. Di civîna ku moderatoriya wê dîrektora festîvalê Azize Tan kir de endamên juriyê hatin nasandin.
Ji bo juriya Pêşbaziya Navneteweyî Laleya Zêrîn derhênerê fransiz Claire Denis serokatî dike û  lîstikvana îtalyan Anna Bonaiuto, rêvberê Festîvala Fîlman a Toronto  û Serokê Lijneya Rêveber Piers Handling, nivîskar Perihan Mağden, sazkar Jim Stark, derhênerê  ciwan  Jacob Tierney (ew bi fîlmên Troçkî hatiye nasîn) û Hulya Uçansu (ku wê 17 salan dîrektoriya festîvalê kir) endama juriyê ye.

Di beşa Laleya Zêrîn  ku ji bo bîranîna Şakir Eczacibaşi tê dayîn de Civata Eczacibaşi 25 hezar Euro xelatê dide. Ji 10 hezar didin derhênerê fîlmê ku bûye yekemîn, 10 hezar ji bo belavkirina vî fîlmî didin belavkarê ku li Tirkiyeyê mafê belavkirinê di dest de ye û 5 hezar jî didin fîlmê ku Xelata Taybet a Juriyê bigire.

Di beşa Laleya Zêrîn de ev 12 fîlm bi hev re dikevin pêşbaziyê:

• Mikrofon / Microphone - Ahmad Abdalla (Misir)
• Strana Nemimkûnî / Norwegian Wood - Tran Anh Hung (Japonya)
• Elisa K - Jordi Cadena, Judith Colell (Spanya)
• Pupupidu / Nobody Else But You - Gérald Hustache-Mathieu (Fransa)
• Aş û Xaç / The Mill and the Cross - Lech Majewski (Polonya-Swêd)
• Piyanoyê li Fabrîkeyê / The Piano in a Factory - Zhang Meng (Çîn)
• Komediya Seksê ya Rioyê / Rio Sex Comedy - Jonathan Nossiter (Fransa-Brezilya)
• Rîtma Jiyanê / Sound of Noise - Ola Simonsson & Johannes Stjarne Nilsson (Swed-Fransa)
• Bêçareyiya Me ya Herî Mezin / Our Grand Despair - Seyfi Teoman (Tirkiye-Almanya-Hollanda)
• Jiyana Bi Fêde / La vida útil / A Useful Life - Federico Veiroj (Uruguay-Spanya)
• İçimdeki Yangın / Incendies - Denis Villeneuve (Kanada-Fransa)
• Rêwîtî / The Trip - Michael Winterbottom (Îngilistan)

Laleya Zêrîn

Di civînê de endamên juriyê yên Laleya Zêrîn jî hatin nasandin.Serokatiya Juriya Pêşbaziya Neteweyî Reha Erdem dike. Di nav endamên juriyê de jî  lîstikvan Tulin Ozen, nivîskar û rexnegirê sînemayê Fatih Ozguven, Dîrektorê Artîstîk ê Festîvala Fîlman a Karlovy Vary Karel Och û nivîskarê kovara Variety Jay Weissberg hene.
Di vê beşê de fîlmê ku bibe yekemîn Wezareta Çandê dê 150 hezar TL, derhenerê ku bibe yekemîn jî dê bi 50 hezar TL’yî xelat bike.
Di Pêşbaziya Neteweyî de lîstikvanê herî serketî û lîstikvana herî serketî jî dê 10 hezar TL xelatê bigire. Her wiha Xelata Juriyê ya Taybet dê yekemîn car bi pere bê xelat kirin û wekî mîktar jî 30 hezar TL hat dîyarkirin. Her wiha jurî dê di warê Xelata Senaryoya Herî Serketî, Derhênerê/a Dîmenê yê/a Herî Serketî, Muzîka Herî Serketî de  xelat bide.

Di beşa Pêşbaziya Neteweyî de ev 13 fîlm hene:
• Ekümenopolis: Ucu Olmayan Şehir - İmre Azem
• Zefir - Belma Baş
• Atlıkarınca - İlksen Başarir
• Ogul - Atilla Cengiz
• Kar Beyaz - Selim Guneş
• Çinar Agacı - Handan İpekçi
• Gişe Memuru - Tolga Karaçelik
• Gorunmeyen - Ali Ozgenturk
• Saç - Tayfun Pirselimoglu
• 72. Koguş - Murat Saraçoglu
• Bizim Buyuk Çaresizligimiz - Seyfi Teoman
• Kirik Midyeler - Seyfettin Tokmak
• Press - Sedat Yilmaz

Her wiha di festîvalê de Xelata FACE (Xelata Sînemayê ya Konseya Ewropayê), Xelata Fipresci ya Juriyê jî tê dayîn.