Diyarname
Îro saet li dor 16.30 ji aliyê Sûriyê (ji Tel Abyad a girêdayî Rakkayê) de ber bi Akçakaleya Rihayê ve gulebarana topan çêbû û 5 kes mirin. Paşê çi bû, vane gav bi gav bûyerên nû:

- Piştî gulebaranê Tirkiyeyê jî li dor saet 17'an (li gor agahiyên herêmî) aliyê Sûriyê da ber gulebaran topan.

- Bi beşdariya Serokwezîrê Tirkiyeyê Recep Tayyip Erdogna, Wezîrê Karên Derve Ahmet Davutoglu û Serfermandarê Artêşa TirkiyeYê Orgeneral Necdet Ozel li Avahiya Serokwezîriyê civîneke hate li dar xistin û mesele hate nîqaşkirin.

- Piştî civînê daxuyaniyeke hate dayîn û got ku me cih de bersiva vê êrîşê daye.

- Wezîrê Karên Derve yê Tirkiyeyê Ahmet Davutoglu li ser meseleyê bi Sekreterê Giştî yê Neteweyên Yekbûyî Ban Ki Moon re axivî.Ban Ki Moon li ser pirsekê wisa gotiye. "Ji bo xirecirekê derneyê divê Tirkiye hemû rêyên ragihandinê yên bi Sûriyeyê re vekirî bihêle."

- Hin dibêjin hemberî Akçakaleyê ne di destê Hêzên Esad, di destê hêzên muxalîf de ye. Û hin dibêjin bi şaşî top hatiye li Akçakaleyê ketiye.

- Berdevka Wezaretiya Karên Derve ya Dewletên Yekbûyî yên Amerîkayê Victoria Nuland li ser bûyerê daxuyanî da û got: "Em bûyerê şermezar dikin û sersaxiyê dixwazin.

- Sibê (roja 4'ê mehê) saet 10'ê sibê de Meclisa Tirkiyeyê li ser bûyerê bi awayekî lezgîn dê bicive û li ser rêya ku  dê têre herin nîqaş bike.

- Hat gotin ku îşev di asta Balyozgeran de dê Konseya Natoyê civîneke awarte li dar bixe.