Diyarname

Di Lîga Îtalyayê de lîstikvanê Lazioyê Ciro Immobile îsal 36 gol avêtin. Bi vê hem di Sedî A de hem di lîgên Ewropayê de bû kesê îsal herî zêde golan diavêje. Immobile bi vê yekê dê Xelata Pêlava Zêrîn bigire ku her sal didin lîstikvanên golavêj ê herî zêde gol avêtine.

Ev yek jî ne bes e, ev 36 gol kirin ku ew bibe şirîkê rekorek. Heta niha di Serîe A de lîstikvanê arjantînî Gonzalo Higuain di sala 2015-16'an de, Gunnar Nordahl di sala 1949-50'î de 36 gol avêtibûn û kesên di vê lîgê de di salek de herî zêde gol avêtine bûn. Lîstikvanê 30 salî Immobile bi 36 golên îsal avêtin bû şirîkê rekorên wan.

Îsal li Îtalyayê piştî Immobile lîstikvanê Juventusê Ronaldo dihat ku wî 31 gol avêtine. Li temamê Ewropayê jî piştî Immobile lîstikvanê Bayer Munihê Robert Lewandovski hat ku ew di 34 golan de wekî duyemîn ma.