Diyarname
Rojên Belgefîlman a Amedê ku ji aliyê Navenda Çanda Ciwanan a Cegerxwîn ya Kayapinara Amedê ve tê li dar xistin, niha hem endamên juriya pêşbaziyê diyar kirin hem jî ji bo serîlêdanê hefteyeke dem dirêj kirin.

Şaredariyên Amedê heta niha gelek festîval û çalakiyên çandî yên din li dar xistin, niha çalakiyeke din li wan zêde kir: Rojê Belgefîlman a Amedê. Çalakiya ku ji aliyê Fîlm Amed a di bin banê Kayipara Amedê de xebata xwe dike ve tê li dar xistin ji ber xebata gur a Newrozê dema serîlêdanê hefteyeke dirêj kirin. Heta niha roja dawî ya beşdariyê 21'ê mehê bû û niha kesên bixwazin belgefîlmên xwe bişînin divê heta 29'ê adarê belgefîlmên xwe bişînîn Fîlm Amedê.
Festîvala ku îsal yekemîn car li dar bikeve, di navbera 18-24'ê avrêlê de wê derkeve pêşberî sînemahezan. Di Rojên Belgefîlman de dê beşa pêşbaziyê û beşa tenê nîşandayînê di du beşan de belgefîlm derkevin pêşberî temaşevanan. Ji bo endamên juriya belgefîlman jî navê Alin Taşçiyan, Yeşim Ustaoglu, Ahmet Soner, Hicri Îzgoren, Sirri Sureyya Onder û Thomas Balkenhol wekî endamên juriyê diyar kirin. Belgefîlmên ku di bikevi sê dereceyên pêşîn bi peykerek û bi 2500 TL dê bêne xelatkirin.
Yên bixwazin beşdar bibin divê heta dema hatiye diyarkirin kopyaya DVD ya berhemên xwe bişînin ber destê Fîlm Amedê.

Ji bo kesên eleqedar û ji bo agahiyên berfirehtir:

Navnîşan: Şaredariya Kayapinarê, Navenda Çanda Ciwanan a Cegerexwîn, Dîclekent Bulvari, Park Orman Yanı - KAYAPINAR-AMED
Telefon: 0412 251 92 95- 251 92 96
e-mail: diyarbakirbg@hotmail.com
www.diyarbakirkayapinar.bel.tr
www.cegerxwin.net

**

Nûçeya eleqedar:

- Li Amedê bi kurdî 'Rojên Belgefîlman' li dar dikeve