Diyarname
Serokê Lijneya Rêveberiya İstanbul Modernê Oya Eczacibaşi û Midûrê Giştî yê ÎKSV’ê Gorgun Taner ji ber xebatên xwe yên çandî layiqê nîşana dewletê ya Fransayê nîşana ‘Legion d’Honnuer’ hatin dîtin. Di rojên pêş me de ewê xelatên xwe bigirin.

Ji ber ku bi xebatên di İstanbul Modern de têkiliya çandî ya di navbera Tirkiye û Fransa de xurt kiriye, bêrawestan ji bo geştikirina huner û çanda gerdûnî xebitiye û ew der kiriye navenda hevdîtina çandê Eczacibaşi layiqê nîşaneyê hatiye dîtin.
Oya Eczacibaşi ji sala 2004’an ve Serokatiya Lijneya Rêveberiya İstanbul Modernê dike û di heman demê de ji sala 2002’yan ve endama Lijneya Rêveberiya ÎKSV’ê ye.

Midûrê Giştî yê ÎKSV’ê (Weqfa Çand û Hunerê ya Stenbolê) Gorgun Taner jî di navbera 1’ê tîrmeha 2009’an û 31’ê adara 2010’an de Komiseriya Tirkiyeyê ya Serdema Tirkiyeyê ya li Fransayê kiribû, di wir de xebatên çandî xurt kiribû layiqê vê nîşaneyê hat dîtin.

‘Serdema Tirkiyeyê’ ya li Fransayê ku 9 mehan dom kir de têde nêzî sed konferans û civînên zanistî li dar ketin, bi giştî zêdeyî 600 çalakî têde li dar ketin û zêdeyî 15 mîlyon mêvan çûn serdana wir.

Gorgun Taner ji sala 2002’yan ve karên Midûriyeta Giştî ya ÎKSV’ê girtiye ser milên xwe, di heman demê de li Zanîngeha Bilgi di Beşa Çandê de Hîndekar e. Taner di rezbera 2010’an de  ji aliyê Şaredariya Amsterdamê ve wekî “Şêwirmendê Hunerê yê Şaredariya Amsterdamê” hat peywirdarkirin.
Eczacibaşi û Taner di rojên pêş me de dê nîşaneyê bigirin,

Nîşaneya Chevalier dans L’Ordre National de la Legion d’Honneur di sala 1802’yan de di dema Napoleon Bonaparte de hate dayîn. Kesên ku xebatên serketî kirine Hikumeta Fransiz bi vê nîşaneyê ew dihat pîroz kirin û ev nîşane dida wan ku ev nîşane wekî xelateke bi prestîj  a fransizan tê qebûlkirin.

Xelata Lagion d'Honneur heta niha dane gelek hunermênd ji gelek welatan. Ji Tirkiyeyê wênekêşên wekî Gokşin Sipahioglu, Ara Guler, Guler Sabanci û gelek kesên din ev xelat girtibû. Heta niha hin hunermêndên kurd jî bi vê xelatê hatin xelatkirin.