Diyarname

Li ser Maça Fînalê ya Lîga Şampiyonan ku dê li Stenbolê bihata lîstin Serokê UEFA'yê Aleksander Ceferin axivî û got: "Di Lîga Şampiyonan de maçên fînalan dê li Lîzbonê bêne lîstin. 

Maçên Lîga Şampiyonan di asta çarîk fînalê de ji ber vîrusa koronayê hatibûn rawestadin. Niha biryareke nû hat dayîn. Li gor biryarên maçên çarîk fînal, nîv fînal û fînalê di navbera 12-23'yê gelawêjê de dê li Lîzbona Porketîzê bêne lîstin. Li ser vê Serokê UEFA'yê Ceferin axivî: "Ger ev biryar wisa nehata dayîn dê lîg temam neba. Hemû rêxistinên fûtbolê mil dan hev û ji bo maç ji nû ve bêne lîstin xebat kirin. Ev biryara me girtiye biryareke dilpola ye."

Biryar bû ku Maça Fînalê ya Lîga Şampiyonan li Stenbolê bê lîstin lê ji ber vîrusa koronayê biryareke wisa hat girtin û Ceferîn diyar kir ku Fînala Lîga Şampiyonan a 2021'ê dê li Stenbolê bê lîstin.

Li Portekîzê rewşa vîrusê

Li Portekîzê heta niha 37 hezar û 672 kes bi vîrusê ketin û 1523 kes mirin. Li Portekîza ku nifûsa wê 10 mîlyon û 197 kes e heta niha bi ser mîlyonekî re test çêkirine. Roja 17'ê mehê 336 bi vîrusê ketin, yek ji wan mir.