Diyarname
36'emîn Festîvala Muzîkê ya Navneteweyî ya Stenbolê di navbera 6-30'yê pûşperê de li dar dikeve û 500 hunermendê dike mêvanê xwe.

Ji bo pêşkêşkirina bernameya Festîvala Muzîkê ya Navneteweyî ya Stenbolê li The Marmarayê civîneke çapemeniyê hate li dar xistin. Di civînê de Serokê ÎKSV'ê Şakir Eczacibaşi, Serokê Borusan Holdin Ahmet Kocabiyik û Dîrektora Festîvalê Yeşim Gurer Oymak amade bûn.

Li ser aliyên nû yên di festîvalê Eczacibaşi axivî û got, "Çalakiyên ji bo zarokan aliyên nû yên festîvalê ne. Em dixwazin zarok nêzî muzîka rojava bibin, nas bikin, fêm bikin ku ev muzîk ne tenê ji bo mezinan e, ji bo vê yekê me ji bo wan bername amade kirin."

Di civînê de Dîrektora Festîvalê Oymak li ser naveroka festîvalê agahî dan û got; "Berî her tiştî me hewl da ku hunermendên di warê muzîka klasîk de di qada navneteweyî de tên nasîn bînin Tirkiyeyê." Her wiha Yeşim Gurer Oymak da zanîn ku digel konseran di warê perwerdehî û projeyên civakî de jî çalikî di nav festîvalê de hene.

Serokê Borusan Holdîngê Kacobiyik jî da zanîn ku ji sala 1973'an ve Borusan tevî rêveberên ÎKSV'ê ketiye nav hewleke mutevakî, di navê de 36 sal derbas bûne û festîvala me bûye festîvaleke navdar a di warê hunerê ya navneteweyî de.

Îsal 36'emîn Festîvala Muzîkê ya Navneteweyî ya Stenbolê di navbera 6-30'yê pûşperê de li dar dikeve. Di fesTîvalê de li dor 500 hunermendî dê di 22 çalakiyan de cih bigirin û hunera xwe pêşkêş bikin. Konserên festîvalê îsal dê li Aya Îrînî, Qesra Topkapi, Operaya Surreya, Muzeya Arkeoloji, TİM û Dêra Bulgar li dar dikevin.

Festîval 6'ê pûşperê bi konsera Wiener Kammerphilharmonie ku sosîlstê wê çellist Benyamin Sonmez li Aya Îrînî dest pê bike. Sonmez ku di qada navneteweyî de bûye xwedî nav û dengekê di 14 saliya xwe de dest bi ledanê kiriye û xelata xwe ya yekemîn di 17 saliya xwe de girtiye.
Kemanjenê navdar Gidon Kremer, Kremerata Baltica ku ji ciwanên welatên Baltik pêk tê û xwedî xelata Gramy ne, flûtvanê navdar Emmanuel Pahud klavsenist Trevor Pinnock ku muzîkarê serdemekê ye dibin mêvanê festîvalê.

Piyanîstê navdar Hélène Grimaud, kemanjenên ji nifşê nû Renaud Capuçon, çelîs Clemens Hagen mêvanên din ên festîvalê ne.

Yek ji konsera navdar a festîvalê projeya "Musenna" ye ku li ser muzîka sedsala 17'an a  Qesra Osmanî û Ewropayê ye. Di vê proijeyê de koma muzîka barok a fransiz La Turchesca, di bin rêveberiya Hakan Cevher de Cevher-î Muzîk Densên Gel ên Tirkiyeyê yên Zanîngeha Ege dê bi hev re projeyê pêşkêş bikin û temaşevanan bibin 350 sal berî niha.

Di festîvalê de ji bo zarokan çalakî hene, di 'ber bi konserê' ve de dê muzîkjen û temaşevan bên cem hev, pirsan ji hev bikin û muzîkê fêm bikin. Dîsa di beşa "Festîvala Muzîkê li Dibistanan" e de jî dê li zanîngeh û lîseyên Stenbolê konser bêne li dar xistin.

Bilêtên festîvalê ku di navbera 15 û 300 YTL'yî de ne dê 3'yê gulanê de bêne firotin.

Foto: Cemil Oguz