Diyarname

Komên şêwrê berê xwe bi xwe li hev diciviyan û pirtûk dinirxandin vê carê çend komên şêwrê bi hev re bi ser online re beşdarî şêwrek bûn. Mêvanê wan Cîhan Roj bû ku ew bi xwe jî beşdar bû. Di şêwrê de romana Roj "Mala Baz" nirxandin. Di şêwrê de endamên Koma Şêwra Wêjeyê ya Amedê, Cizîrê, Mêrsînê, Bismilê û ya Stockholmê amade bûn. Şêwra xwendinê ku êvara 21'ê mehê li dar ket sê saet û nîv dom kir û gelek dîtinên cuda derketin holê. Hin ji wan me dan hev:

- Mîrhem Yigit: "Roman hinekî fragmentan tîne bîra merivan. Parçe ne,  xelek in. Xelek têra xwe kûr in, dewlemend in. Roman ne li rêyekê xuya dibe. Rê bi hevraz e, fitlanek e, dadikeve jêr, derdikeve jor, ji ber wê, li ser vê, kudandina romanê zor e."

- Adnan: "Pirtûkeke cuda bû. Ne romaneke ji rêzê bû. Li dawî gere ferhengoka romanê hebûya."

- Dildar: "Xweş bû. Mijar parçe parçe bûn. Zimanekî xweş bû. Rihê fermanê tê de kêm mabû."

- Rûşen: "Şêwaz qels maye. Xwestibû qala gelek tiştan bike.Tehm di devê me de ma."

- Şoreş Reşî: "Min pir ked da ji bo fehm bikim. Dubare tê de pir bûn"

- Hesen Kinyaniş: "Naverok baş bû. Ew pirtûk bo min wekî gwîzeke kor e. Zor e meriv kakil derbixe."

- Ahmed Kanî: "Xwestiye folklor û romanê bide ber hev. Em serê xwe bi ziman re biêşînin."

- Kamran Simo Hedilî: "Di siya tiştên piçûk de tiştên mezin winda bûne."

- Sevgul Xan: "Herî tiştên piçûk te tehm digirt, te digot berdewam be. Lê çîrok hev temam nedikirin. Honak gelek baş bû. Metafor gelek xweş bûn. Çar pênc çîrokên têrtije ba baştir ba.Min pirtûk ne eciband."

- Leyla Aynur Aras: "Stîleke nû ye. Bêhnfirehî dixwaze. Peyvên pirbare xwendevan aciz dike. Karakter ji alî ser û ber ve nehatine taswîrkirin"

- Miradê Miradan: "Ceribanekî baş bû. Çîrok bigihîştana hev! Karakterê vê romanê kî bû? Karakter tune bû!"

- Ar-Da: "Min jê şêwaza pirtûkê hez kir. Evîn hinekî zêde xurt ba bo zimanê pirtûkê nerm ba."

- Emin Aksu: "Karakterên romanê îdealîst in."

- Huseyin: "Dem parîkî baş bû lê qels bû. Xeyalên xweş tê de hebûn. Çîrokên xweş û girêdana wan mînakên xweş dabûn."

- Azad Zal: "Cîhan Roj terza xwe guhert."

- Remzîye Oncel: "Mere divê qey ne qelema Cîhan Roj e. Romaneke cuda ye. Ez qet nediketim nav romanê."

- Hesib Yanlic: "Heya beşa pêncan mi go, va çi ye? Min pirtûk wekî 'daweta cinan' dît! Terzeke cuda bû. Ne mecbûr bama min ê pirtûk daniya! Divê encamek hebûya."