Diyarname

Rojnameya heftaneXwebûn bi hejmara xwe ya 20'an li pêşberî xwendevanên xwe ye. Ev hejmar jî wekî PDF ji ser malpera wan re hat belavkirin.

Di rojnameyê de bi hunermend Omer Eken re li ser wênesaziya wî hevpeyvîn hatiye kirin û ev hevpeyvîn bi sernavê "Xêzkarê bû zimanê wî" kirine manşetşa rojnameyê. Di hevpeyvîna Felat Niştiman kiriye de Eken dibêje, "Ez wêneyên xwe li ser pirsgirêk û

dubendiyên mirovan xêz dikim. Pirsgirêka jinê jî yek ji wan pirsgirêkan e ku li erdnîgariya me û li cîhanê ye. Li gor min ev pirsgirêka herî mezin û bingehîn e. Jin li her devera cîhanê di bin serweriyekê de ne. Ez nikarim çavên xwe li vê bigirim... Di guhertin û veguhertina civakê de rola hunermendan mezin e."

Çapemenî di hedefa hikumetan de ye, Yekîtiya neteweyî ferz e, Aloziya nav mala kurdan hin nûçeyên din in ku derketine pêş. Yek ji nûçeyên din jî Kakşar Oramar li ser Şivan Perwer nivîsandine û bi senavê "Şivan Perwer û daxwazên me!" hatiye weşandin.

Her wiha nivîskarên rojnameyê Munewer Azîzoglu Bazan, Mem Avba, Çîmen Adil, Selîm Temo, Felemez Ulug, Nêrgiz Ismayil, Mehmet Seyîtalîoglu, Cemil Oguz, Kewê Redkan, Feratê Dengizî, Bîlal Ata Ateş, Reyhan Îke bi nivîsên xwe di vê hejmarê de cih girtine.