Stenbol
Kovara Guney hejmara xwe ya 53'yan derxist. Kovarê di vê hejmarê de nivîseke bi sernavê "Mafên Zarokan ên Zarokên Zindanê (Kurd)" weşand û ji aliyê 2'yemîn Dadgeha Sulh Ceza ya Mêrsînê ve hate berhevkirin. Dadgehê wekî îdîa jî "Propagandaya rêxistinê kiriye" nîşan da.

Rêveberiya kovarê li ser vê yekê daxuyaniyeke da û diyar kir ku ev bêtehemuliya li hemberî kovarê bingeha xwe ji zihniyeta ku zarokan dixe girtîgehê digire.
Di daxuyaniyê de wisa hate gotin: "Bi vî awayî, ne tenê nivîskarê nivîsê Elî Dagveren, hemû helbestvan û nivîskarên me hatine cezakirin. Her wiha cardin derketiye holê ku li Tirkiyeyê hê li ser çapemeniyê sansur tê meşandin. Em dest ji têkoşîna xwe ya demokrasiyê bernadin û dê têkoşîna me heta dawiyê li hemberî vê helwesta dijhiqûqî bidome."

Kovara Guney ku sê mehan carekê derdikeve hejmara wê ya 51'ê jî hatibÛ berhevkirin. Ev hejmar ji aliyê Dozgeriya Komarê ya Buyukçekmeceya Stenbolê ve bi îdîaya "Propagandaya PKK'ê kiriye" hatibû berhevkirin.