STENBOL
Berdevkê HDP’ê Ahyan Bîlgen got nûçeya Rûdawê ya, “Ekîbeke TV’yê çûye Îmraliyê û wê Ocalan banga agirbestê bike” derew e û got: “Gotinên ku di nûçeyê de bi navê min hatine gotin min negotiye.” Endamê Heyeta îmralî û Wekîlê Serokê Koma HDP'ê Îdrîs Baluken jî wisa got: "Tiştekî wiha ne mijara gotinê ye. AKP tengav bû, ji bo xwe ji vê rizgar bike manîpulasyonan dike, hewl dide bendewariyan biafirîne.”
Rûdawê nûçeyek wisa weşand: “Ekîbeke TV’yê çûye Îmraliyê û wê Ocalan banga agirbestê bike.” di demeke kurt de hat derewandin.
Di nûçeyê de hatiye îdîakirin ku Berdevkê HDP’ê Ayhan Bîlgen gotiye, “Ekîba TV’yê li gel Ocalan hevdîtin nekiriye.” Her wiha hat gotin ku Ayhan Bîlgen gotiye, “Me bîhîstiye wê heyeteke ji Mirovên Aqilmend jî wê bi Rêberê PKK'ê Abdullah Ocalan re hevdîtinê pêk bînin.”
Bîlgen ji bo ANF’ê axivî û diyar kir ku nûçe derew e. Bîlgen wisa got, “Dema li min geriyan min got tu agahiya min tune ye. Gotinên ku di nûçeyê de tê gotin ku min gotine, ne aîdê min in. Min tiştek wisa negotiye.”
Baluken: AKP manîpulasyonan dike
Endamê Heyeta Îmrali Îdrîs Balûken li ser nûçeyê got, “Tiştekî wiha ne mijara gotinê ye. AKP tengav bû, ji bo xwe ji vê rizgar bike manîpulasyonan dike, hewl dide bendewariyan biafirîne.”
Baluken got ku ev "Şerê psîkolojîk" e û ji bo AKP’ê ji tengaviyê rizgar bike ketiye dewrê ye.
Îdrîs Balûken wisa got: "Nûçeyên mijara gotinê, nûçeyên manîpulatîf û spekulatîf in. Tu agahiyeke ku heyeta televîzyonê li Îmrali bi Birêz Ocalan re hevdîtin pêk aniye negihîştiye heyeta me. Rayedarên dewletê jî di vê mijarê de diyar kirin ku tu agahiya wan nîn e û tu pêşketineke nû rû nedaye.”
ANF