Diyarname
Maçên Tûra 2'yemîn ên îro de du tîm, ku her du jî favorî ne derketin çarîk fînalê û wê bi hev re bilîzin: Hollanda û Brezîlya. Pêşîyên kurdan gotine: Du serî di qoşxaneyekê de nabin. Belê ev her du tîm derketin çarîk fînalê û wê di çarîk fînalê de bi hev re bilîzin.

Hollanda: 2 - Slovakya: 1
Maça yekem a îro di navbera Hollanda û Slovakya de bû. Hollanda di deqîqeya 18'an de bi Arjen Robben derket pê û di deqîqeya 84'an de bi Wesley Sneijder skor kir 2-0. Di deqîqeya 90+3'yan de ji Slovakyayê Vittek ji penaltiyê gol avêt lê bi kêrî wan nehat. Bi vê encamê Hollanda derket çarîk fînalê.

Kunye:
Stad: Moses Mabhida
Hakêm: Alberto Undiano (Spanya), Fermin Martinez Ibanez (Spanya), Juan Carlos Jimenez (Spanya)
Hollanda: Maarten Stekelenburg, Gregory van der Wiel, John Heitinga, Joris Mathijsen, Giovanni van Bronckhorst, Dirk Kuyt, Mark van Bommel, Wesley Sneijder (Dq. 90 İbrahim Afellay), Nigel de Jong, Arjen Robben (Dq. 71 Eljero Elia), Robin van Persie (Dq. 80 Klaas Jan Huntelaar)
Slovakya: Jan Mucha, Peter Pekarik, Martin Skrtel, Jan Durica, Radoslav Zabavnik (Dq. 87 Martin Jakubko), Vladimir Weiss, Miroslav Stoch, Marek Hamsik (Dq. 87 Marek Sapara), Robert Vittek, Juraj Kucka, Erik Jendrisek (Dq. 71 Kamil Kopunek)

Brezîlya: 3 - Şîlî: 0
Di maça Brezîlya û Şîlî de qayişkêşaneke mezin hebû. Şîlî li hemberî Brezîlyaya favorî baş ber xwe dida, gelek gog heta ber qeleya reqîbê xwe birin lê di kêliya dawî de dest û lingên wan li hev diketin. Hemberî vê yekê Brezîlyayiyan li ber qeleya reqîbê xwe zêdetir gog ji hev re diavêtin û di encamê de karîn 3 golan bavêjin.
Brezîlya bi golên Juan (dq. 35), Luis Fabiano (dq.35) û Robinho (dq. 59) derbasî çarîk fînalê bû û bû reqîbê Hollandayê.
Hollanda û Brezîlya di çarîk fînalê de, roja 2'yê tîrmehê saet 17.00'an de wê derkevin pêşberî hev.

Kunye:
Stad: Ellis Park
Hakêm: Howard Webb (İngiltere), Darren Cann (İngiltere), Michael Mullarkey (İngiltere)
Brezilya: Julio Cesar, Maicon, Lucio, Juan, Michel Bastos, Ramires, Gilberto Silva, Dani Alves, Kaka (Dq.81 Kleberson), Robinho (Dq.85 Gilberto Melo), Luis Fabiano (Dq.76 Nilmar)
Şîlî: Claudio Bravo, Mauricio Isla (Dq.62 Rodrigo Millar), Pablo Contreras (Dq.46 Jorge Valdivia), Ismael Fuentes, Arturo Vidal, Mark Gonzalez (Dq.46 Rodrigo Tello), Carlos Carmona, Gonzalo Jara, Humberto Suazo, Jean Beausejour, Alexis Sanchez