Diyarname
Îro di Tûra 2'yemîn de Alman û Îngilistan, Arjantîn û Meksîka ji bo derbasbûna çarîk fînalê derketin hemberî hev. Almanya û Arjantîn derbasî çarîk fînalê bûn û di çarîk fînalê de ewê bi hev re bilîzin.

Almanya: 4- Îngilistan: 1

Almanyayê bi ferqeke mezin, a dîrokî Îngilistan têk bir. Almanya di deqîqeya 20'î de Miroslav Klose li ser navê Almanyayê avêt û Almanya 1-0 derket pêş. Di deqîqeya 32'yan de Podolskî golek din li ser navê Almanyayê avêt. Di deqîqeya 37'an de Matthew Upson bi gola xwe ferq daxist yekê: 2-1. Di deqîqeya 39'an de Frank Lampard ji derveyî qara ber kelehê lêda, gog li dîregê ket, gog ber bi xêza kelehê ve çû lê hakem got ne gol e û vê biryarê mohra xwe li maçê da.

Nîveka yekem bi vê encamê bi dawî bû û di nîveka duyem de li ser navê Almanyayê Thomas Muller di deqîqeyên 67 û 70'yî de du gol ser hev de avêt û Almanya bi 4-1'ê derket pêş; maç jî bi vê bi dawî bû.
Bi vê encamê Almanya derbasî çarîk fînalê bû û ji bo reqîbê xwe li benda maça Arjantîn û Meksîkayê ma.

Kunye:
Stad: Free State
Hakêm: Jorge Larrionda (Uruguay), Pablo Fandino (Uruguay), Mauricio Espinosa (Uruguay)
Almanya: Manuel Neuer, Philipp Lahm, Arne Friedrich, Per Mertesacker, Jerome Boateng, Thomas Mueller (Dq.72 Piotr Trochowski), Sami Khedira, Bastian Schweinsteiger, Lukas Podolski, Mesut Ozil (Dq.83 Stefan Kiessling), Miroslav Klose (Dq.72 Mario Gomez)
Îngilistan: David James, Glen Johnson (Dq.87 Shaun Wright Phillips), Matthew Upson, John Terry, Ashley Cole, James Milner (Dq.64 Joe Cole), Steven Gerrard, Frank Lampard, Gareth Barry, Jermain Defoe (Dq.72 Emile Heskey), Wayne Rooney

Arjantîn: 3 - Meksîka: 1

Di maça duyem a îro ya Tûra 2'yemîn de Arjantîn derket pêşberî Meksîkayê. Di deqîqeya 26'an de Tevez li ser navê Arjantînê golek avêt lê helbet ev gol gelek hat nîqaşkirin. Di deqîqeya 33'yan de Goncalo Higuian goleke din avêt û nîveka yekem a maçê bi vê bi dawî bû: 2-0.

Di nîveka duyem hê di deqîqeya 52'yan de li ser navê Arjantînê Carlos Tevez careke din derket ser dikê û gola sisêyan a tîma xwe avêt. Meksîkayê di deqîqeya 71'ê de bi Javier Hernandez bersiv da lê vê golê têra wan nekir. Bi ecnama 3-1'ê Arjantînê tûr avêt û derket çarîk fînalê. Di çarîk fînalê de wê Arjantîn û Almanya bi hev re bilîzin.

Kunye:
Stad: Soccer City
Hakêm: Roberto Rosetti (Îtalya), Paolo Calcagno (Îtalya), Stefano Ayroldi (Îtalya)
Arjantîn: Sergio Romero, Nicolas Otamendi, Martin Demichelis, Nicolas Burdisso, Gabriel Heinze, Javier Mascherano, Maxi Rodriguez (Dq.87 Javier Pastore), Angel Di Maria (Dq.79 Jonas Gutierrez), Lionel Messi, Carlos Tevez (Dq.69 Juan Veron), Gonzalo Higuain
Meksîka: Oscar Perez, Efrain Juarez, Francisco Rodriguez, Rafael Marquez, Carlos Salcido, Ricardo Osorio, Andres Guardado (Dq.62 Guillermo Franco), Gerardo Torrado, Adolfo Bautista (Dq.46 Pablo Barrera), Giovani Dos Santos, Javier Hernandez