Diyarname

Roja 24'ê rezbera 1996'an li Girtîgeha Tîpa E a Amedê 10 girtî ji aliyên hêzên dewletê ve bi lêdanê hatin kuştin û gelek jî birîndar bûn.

Ji wê rojê de derbarê hin leşker, polîs, gardiyan û midûrê girtîgehê de doz hatibû vekirin. Di dozê de 24 kes dihatin darizandin. Danişîna dozê îro li 3'yemîn Dadgeha Cezayê Giran a Amedê bû. Bersûc beşdarî danişînê nebûn.

Ji parêzeran Bariş Yavuz bal kişand ser sûcê ku hatiye kirin ku bi qestî ew birîndar kirine û kuştine. Yavuz got ku li ser biryara ku Dadgeha Mafên Mirovan a Ewropayê (DMME) daye ne mimkûn e ji xala 50'î ya TCK'ê (Zagona Ceza ya Tir) ya bi hejmara 765'an li meseyeyê bê nêrîn, divê hemû bersûc ji xala 450/3 ya TCK'ê bêne darizandin.

Dadgehê doz ji ber xalên TCK'ê yên 102/2 û 104/2 bi hejmara 765, û li gor xala 223/8 a CMK'ê (Zagona Dadgehkirina Cezayê) biryara betalkirina dozê da.

Bi vê encamê doz ket ber "demek zêde bi ser re derbas bûye" bû doz betal bû.

DMME'yê di sala 2010'an de biryar dabû û Tirkiye bi 798 hezar Euro cezayê pereyan ceza kiribû.