Stenbol
Endamên Heyeta Îmraliyê ya DEM Partiyê Pervîn Buldan û Mîthat Sancar çûn serdena Hevserokê berê yê HDP'ê Selahattin Demirtaş.
Buldan û Sancar çûn Girtîgeha Tîpa F a Edîrneyê û hevdîtin pêkanîn. Hevdîtin nêzî 3 saetan dom kir.
Piştî hevdîtinê li ber girtîgehê her duyan daxiyanî da:
'DIVÊ DEMÎRTAŞ Û MIZRAKLI BÊN BERDAN'
BULDAN: 
- Me bi Selahattîn Demîrtaş û Selçuk Mizrakli re hevdîtineke demdirêj kir. Her du hevalên me pêvajoyê dişopînin. Lê rewşa pêvajoyê baş nikarin bişopînin, ji ber ku di girtîgehê de ne.
- Selahattîn Demîrtaş bi salan e li vir e. 3 caran DMMEyê biryara berdanê da. Civak jî dizane Demîrtaş were berdan dê bandorekî baş bide pêvajoyê. Heke pêvajo hebe divê gavên demokratîk bên avêtin û Demîrtaş were berdan.
- Ji bo pêvajoyê zagon tê amadekirin lê ji bo berdana Demîrtaş û Selçuk Mizrakli zagon ne hewce ye. Divê Selahattîn Demîrtaş û Selçuk Mizrakli werin berdan.

'DEMÎRTAŞ JÎ DIXWAZI JI BO PÊVAJOYÊ BIXEBITE'
SANCAR:
- Selahattîn Demîrtaş û Selçuk Mizrakli dixwazin alîkarî bidin pêvajoyê.
- Selahattîn Demîrtaş û Selçuk Mizrakli bêhiqûqî tene girtin. Ji bo wê divê hiqûq pêk were û her du werin berdan. Berdana Demîrtaş hewcedariya pêvajoyê ye jî.  Heke Demîrtaş were berdan dê ji bo pêvajoyê bixebite. Jixwe ew jî dixwaze ji bo pêvajoyê bixebite. Ji bo pêvajoyê û baweriya hiqûqê divê Demîrtaş were berdan. Berdana Demîrtaş baweriya hiqûq û pêvajoyê ya civakê jî dê zêde bike. Em li bendê ne ku hevalên me werin berdan.