Diyarname
Belgefîlmê derhêner Kazim Oz ê bi navê "Demsala Dawî: Şewaxan" îro li Tirkiyeyê û bajarên kurdan ket vîzyonê.

Derhêner Kazim Oz ku karê xwe yê sînemayê di bin banê Kolektîfa Sînemayê ya Mezopotamya de dike berê fîlmê "Ax", "Fotograf", "Bahoz" û belgefîlmê "Dûr" pêşkêşî tameşevanan kiribû vê carê bi fîlmê xwe "Demsala Dawî: Şewaxan" derdikeve pêşberî temaşevanan.

Belgefîlmê ku bi hevkariya televîzyona fransiz ARTE, Fona Jan Vrijman hatibû kişandin, bi piştgiriya post-produksiyon a Wezareta Çandê ya Tirkiyeyê li şeş bajaran ket vîzyonê.

"Şewaxî" li herêma Dersimê koçerên kurd in. Ew havînan tevî sewalên xwe diçin zozanan, zivistanan jî vedigerin cih û warê xwe. Fîlm çar demsalan jiyana van şewaxiyan pêşkêş dike. Havîn, zivistan, di bin berf û baranê de jiyana zehmet, di heman demê de jiyana xwezayî û ya xweş a Şewaxan di belegfîlmên de derdikeve ser ekranan.
Fîlm bûyîna berxikek heta birina wê berxikê ya selexaneyê û serjêkirina wê nîşan dide. Pêre jî jiyana koçeran (şewaxiyan), zehmetiyên wan...

Belgefîlmê ku di 28'emîn Festîvala Fîlman a Navneteweyî ya Stenbolê de yekem car hat nîşandayîn, di Festîvala Fîlman a Navneteweyî ya  Mannheim – Heidelberg de derket fînalê û Xelata Taybet a Juriyê girt.
Belgefîlm di Festîvala Fîlman a Navneteweyî ya enqereyê de Xelata Sêyemînî girt. Belgeîlm heta niha di festîvalên wekî Vision du Reel, Paris Cinema, Fajr de hat nîşandayîn.

Kunyeya fîlm:

***