Diyarname
Ev sernav pêşdîtinek e ne nûçe ye. Nûçe ev e: Berdevkê Ferdî yê YNK'ê Sedî Ehmed Pîre ragihand ku Dr. Salih Behram li ser navê YNK'ê berendamê wan ê Serokomariya Iraqê ye.

Piştî rejima Sedam têk çû li Iraqê di navbera kurd, ereban de hevkêşe çêbûn; beşek ji van hevkêşeyan jî di navbera kurdan de çêbûn: Wê çaxê her du partiyên mezin ên Başûr PDK û YNK'ê li hev kir ku Mesûd Barzanî bikin Serokê Herêma Kurdistanê û Celal Talabanî jî bikin Serokomarê Iraqê. Ev hevkêşe heta niha hat. Lê vê carê ku niha ji bo Iraqê carek din Serokomar tê hilbijartin PDK'ê dixwest yek ji wan bibe Serokomarê Iraqê. Li aliyê din di nav YNK'ê de jî nelihevkirin hebû. Di dawiyê de navê Behram Salih derket holê ku welatên mezin wekî Amerîka jî wî dixwaze.
Û îro: Berdevkê YNK'ê Pîre ragihand ku îro Encûmena Serkirdeyetiya YNK'ê hinek mijarên girîng di nax xwe de gotûbêj kirine û biryar dane ku Dr. Berhem Salih wekî namzetê Serokomariya Iraqê destnîşan bikin. Piştî ev biryara YNK'ê, her çiqas PDK'ê gotiye dê berendamê me hebe jî, ev sernava ku me bikaraniye wisa diyar e dê derdikeve pêş.

Behram Salih kî ye?
Dr. Berhem Salih di sala 1960'î de li bajarê Silêmaniyê hatiye dinê. Salih di sala 1983'yan de Zanîngeha Cardiffê beşa Endazyariya Avakirinê xwendiye û paşê di sala 1987'ande li Zanîngeha Liverpoola Îngilistanê doktoraya xwe li ser "Di Endazyariyê de Programên Statîstîkî û Komputerê" temam kir. Salih di sala 1992'yan de bû Nûnerê YNK'ê yê li Washingtonê û ji wê rojê de heta veqetiya di nav YNK'ê de kar kir. Ew 2 caran bû Serokwezîrê Herêma Kuridstanê û 2 caran jî wekî Cîgirê Serokwezîrê Iraqa Federal kar kir.
Salih piştî xebata dehan salan a di nav YNK'ê de, van salên dawî jê veqetiya û Hevpeymana Dadwerî û Demokrasî ava kir. Vê Hevpeyvanê biryar dabû ku beşdarî hilbijartina Herêma Kurdistanê ku 30'ê vê mehê li dar dikeve nebe. Ev yek nîşaneya gava ku îro hat avêtin bû.
Salih, ligel zimanê xwe yê dayikê kurdî, ew baş bi îngilîzî û erebî jî dizane.
Salih ligel Dr Serbax Salih zewiciye ku xanima wî jî wekî çalakvaneke mafên jinan tê nasîn. Yek jê kur, yek keç du zarokên wan hene.