Amed
Hevşaredarê Bajarê Mezin ê Amedê Dogan Hatun, di bernameya DTSO'yê (Odeya Bazirganî û Sanayî ya Amedê) de axivî û got, "Emê alîkariyê bidin her kesê ku dê ji bo zimanê xwe yê zikmakî bixebite."
DTSO'yê kampanyaya dayîna tabletan ji bo xwendekarên ku dersen kurdî hildibijêrin dabû dest pê kirin. Ji bo vê yekê roja 25'ê mehê li Navenda Çand û Kongreyê ya ÇandAmedê bernameyek hat sazkirin û tablet hatin belavkirin. Hevşaredarê Bajarê Mezin ê Amedê Dogan Hatun, Hevşaredara Yenîşehîrê Safiye Akdag, Serokê DTSO'yê Mehmet Kaya, nûnerên saziyên sivîl û gelek xwendekar beşdarî bernameyê bûn.
Hevserok Hatûn: Em ê alîkariya gelê xwe bikin
Hevşaredar Hatun di bernameyê de axivî û bal kişand ser girîngiya zimanê zikmakî û got, “Wekî Şaredariya Bajarê Mezin em ê xwedî li welatê xwe derkevin. Em ê alîkariyê bidin gelê xwe û li 17 navçeyên xwe her kesê ku bixwaze ji bo zimanê xwe yê zikmakî bixebite, heta kesên di vî warî de dixebitin, akademî jî di nav de dixwazin qursê vekin. Em ji vir sozê didinê. Em ji bo zimanê xwe amade ne her soza xwe didin. Dar li ser koka xwe, mirov bi zimanê xwe şîn dibe."
'Ger zarok hînî zimanê xwe nebin pirsgirêk e'
Hatun li ser girîngiya xebatên DTSO'yê jî sekîn û got ku divê zimanê dayikê di hemû qadên jiyanê de bê bikaranîn. Hatun wiha got: “Zarok dikarin du-sê zimanan hîn bibin. Zarok dikarin gelek zimanan; tirkî, îngilîzî û erebî hîn bibin, ev ne pirsgirêk e, lê heke zarok bi zimanê xwe yê zikmakî fêr nebin pirsek e. Divê em vê yekê fêm bikin."
Serokê DTSO'yê Mehmet Kaya piştî axaftina xwe ya li ser girîngiya zimanê zikmakî tablet da 700 xwendekaran.