Diyarname
Qîmeta tiştek, qîmeta saziyek, qîmeta kesek dema ji dest diçe dertê holê. Ev yek li her derê wisa ye lê li nav kurdan zêdetir xwe nîşan dide. Û qîmeta saziyan ji bo kurdan her ku diçe zêdetir xwe nîşan dide. Emê bi rêya çûyîna şaredariyan kurdî bi bîr bixin. Heta şaridariyên bajarên kurdan di destên kurdan bi xwe de bûn kêm zêde, pir hindik şaredariyan cih dida kurdî jî û hin xebat di vî warî de dikirin jî. Yek ji bandora van şaredariyan jî li ser pêşangehên pirtûkan ên li bajarên kurdan li dar diketin bûn. Yek ji wan jî Fûara Pirtûkan a Amedê bû. TUYAP'ê 5 caran, cara dawî jî Şaredariya Bajarê Mezin a Amedê li dar xistibû. Û di afîşa hemûyan de kurdî hebû. Di fûara ku Şaredariya Amedê bêyî TUYAP'ê bi xwe çêkir jixwe hemû kurdî bû. Lê di yên din jî de bandora şaredarî hebû û kurdî jî beşek girîng digirt. Lê roj çû, dem derbas bû û hikumeta Tirkiyeyê bi kayyûman dest danî ser şaredariyên kurdan. Û îsal di dema ku Şaredariya Bajarê Mezin a Amedê di destê kayyûmê de ye TUYAP carek din li Amedê fûara pirtûkan li dar dixe. TUYAP' di navbera 25-30'ê vê mehê de 6'emîn Fûara Pirtûkan a Amedê amade dike û ji bo vê afîş amade kiriye. Û di afîşa amade kiriye de kurdî nîn e. Di asta herî biçûk de jî bi vê afîşê qîmeta şaredariyan ji bo kurdî, qîmeta saziyên kurdan bi xwe bi awayekî zelal xwe nîşan da.
Vaye afîşên berê û vaye afîşa ku niha hatiye amadekirin.

 ***

REKLAM

Ji bo bilêtên balafiran hûn dikarin serî li vir bidin... 

www.bizebiletal.com