Hîwa Abdullah

Di çend rojên dumahîda min gelek heval û dostê xwe ya Bakûr û Rojavayê Kurdistan ê dîtin, ku demek dirêj bu em ji hevdu dabirayî bun.

Piraniya van hevalan digotin: "Li gorî ku me bîstiye Newşîrwan Mustafa û Gorran kesek e cuda nîn e li serokên din û ew jî xwedî Vila û jiyaneka taybetin."

Min jî wekî her carî xwe nexiste rewşeka ku dijayetî li aliyekî bikim û aliyek din biparêzim, lê min got: "Divê em şiyar bin, YNK û PDK dixwazin bi xelkê bi taybetî xelkek ku rasterast nikare wan bişopîne bêjin di vê herêmê de, di nava hemî partiyan da herkes diz e, herkes giringî bi jiyana xwe û xaniyên xweş dida",.

Armanca her du hêzên serdest ya başûr bi taybetî PDK ev e ku ji xelkî re bêjin: madem em hemî diz in, ger ku hûn li cem dizê mezin bibin, neçin cem dizê biçûk.

Bizava Gorran ne mucîze ye û ne ji asmanê hatiye xwar. Lê tiştê ku wisa li xelik dika dengê xwe biden partiyeka bê çek û xwedî îmkanên madî ya kêm ew e, ku kesayetiya Newşîrwan pir sade ye, ",li derzê xaniya wî binere". Yadin piraniya xelik dizanin heger di nava partiyên din kesê xirab û xwedî perwerdeya mîna PDK û PUK hebin jî, lê Gorran û ya din piştî hatina ser destelatê tu caran nikarin wekî PUK û PDK'ê biken. 

Em hez ji wan biken û neken divêt bibêjin di dîroka Kurdistanê de Celal Talabanî yekem kes bû ku sîstema yek partî guhart ji bo sîstema fire partî, lê Mam Celal ji bo berjewendiya xwe ya şexsî ji bo ku ew berdewam bibe serok komar, Kurdistan teslîm bi PDK'ê kir. Lihevkirina YNK û PDK piştî likarxistina rijîma Saddam heger dawî li şerê navxwe anîbe jî, Kurdistan xiste van kirîzeka mezin ku neadaletî, mafyawarî, dizî û talankirin bixwe re anî. Li dayikbûna bizava Gorran bi serokatiya Newşîrwan Mustafa heta cihek ew rewiş bi dinyayê nasand û karibû di nava parlemenê de, şer bi vê r

ewşê re bikat û îtîfaka YNK Û PDK bi dawî anî.

Ez bawerim heger PDK xwedî hêzên serbazî, pare û şîdet nebe û li hilbijardinan de ew qasî sextekariyan bi taybetî li Hewlêr û Duhok neke, nikare ew qasî dengan bîne. 

Li gor baweriya min îro li Kurdistanê rewşeke ku hilbijardineke rast û rewan bi rê ve biçe nîn e. Mam Celal dibêje: "Eger PDK bi çînêrajî bikeve helbijardinan dê serkeve."

Lê rastiyek heye: Her çiqasî hebûna bizava Gorran ji bo kurdan û demokrasîkirina herêmê girîng be jî, em divêt mîna derwêşan piştgîriya kor nedin vê partiyê û kirdarên wan bişopînin.

hiwa.abdullah@gmail.com