Diyarname

Kovara Notosê kovareke wêjeyî ye û du mehan carek bi tirkî li Tirkiyeyê weşanê dike. Kovara ku heta niha 89 hejmar derxistibû yekem car di dema xwe de dernakeve.

Kovarê di meha sermawez-berfanbara 2021'ê de hejmara xwe ya 89'an derxistibû. Divê serê salê hejmara 90'î derxista lê edîtoriya kovarê ragihand ku ji ber buhabûna kaxiz dê nikaribin hejmara 90'î ya rêbendan-reşemî 2022'yan derxin.

Di agahiya ku serê salê hat belavkirin de Notosê wisa got: "Dema Notos ji bo çapê amade bû me dît ku êdî TL'ya me li hemberî Euroyê têrê nake. Ji ber ku bo kirîna kaxiz êdî TL qebûl nakin, dixwazin em bi Euroyê pere bidin. Hem jî di cih de, yanê çapxane pêşin pere dixwazin. Berê ji bo çapkirina pirtûk û kovaran çend meh ji bo me îdare dikirin lê niha pêşin pere dixwazin. Ma kîjan weşanxaneyên biçûk dê bikaribin bi Euroyê pêşin bidin?"

Kovarê gotiye ku ji sala 2006'an ve heta niha rojek jî wan bi derengî kovar dernexistiye û ev yek lê zêde kirine: "Niha em dibînin maliyeta kaxizê niha li gor hejmareke berê tam bûye du qat. Dema em bilindbûna dovîzê jî bi ser de dikin li dor sedî 150 buhabun derdikeve holê. Ji ber van mercan emê hejmara 90'î ya Notosê ya rêbengan-reşemî dernexin, emê di meha adar-avrêlê de hejmara 90'î derxin. Ji bo hebûna Notosê em mecbûr bûn vê biryarê bigirin. Ji bo em Notosê li ser piyan bigirin wekî her gavê tekane baweriya me bi xwendevanên me ye."

Wekî agahî: Kovara Notosê di sala 2006'an de yekemîn hejmara xwe derxist. Kovar di bin edîtoriya Semih Gumuş de di bin banê Weşanxaneya Notosê de weşana xwe didomîne.