Diyarname
Şanogerê kurd Mehmet Emin Yalçinkaya îro li Îzmîrê li nexweşxaneya ku dihat dermankirin wefat kir.

Mehmet Emîn Yalçinkaya (Emîn Kosarî) di sala 1968'an de hatiye dinê. Di sala 1990'î de li Şanogeya Bajêr a Dr. Asena ya Şaredariya Bajarê Mezin dest bi karê şanoyê kir. Ji wê roje de heta niha karê şanoyê dom dikir. Wî ligel şanogerên wekî Veysel Ongoren, Ziya Demirel, Luciano Iogna, Celil Toksoz û Haldun Dormen xebat kir, di nav gelek lîstikan de rol girt ser milên xwe. Di dema ka şaredarî ket destê kurdan di nav lîstikên kurdî de lîst û di heman demê de hin lîstik wî bi xwe nivîsandin. Hin ji wan "Mala Dînan", "Mala Extiyaran", "Zembîlfiroş" in. Piştî ku kayyumê dest danî ser Şaredariya Bajêr a Amedê ew jî ligel şanogerên din ji şanoyê hat dûrxistin, Şanoya Bajêr a Şaredarî hat girtin. Yalçinkaya ligel hevalên xwe yên şanoger Şanoya Bajêr a Amedê vekirin û dest li lîstikan kirin. Mehmet Emîn Yalçinkaya ligel karê şanogerê nivîs jî dinivîsand û di heman demê de endamê PEN'a Kurd bû. Yalçinkaya ku ev zêdetirî 25 salan e di nav karê şanoyê de ye ev mehek zêdetir bû Îzmîrê bû û ji ber nexweşiya pankreansê dihat dermankirin lê îro ber êvarkî wefat kir.
Cenazeyê Yalçinkaya sibê dê bibin Amedê, piştî merasima li Şanoya Bajêr a Amedê (saet 15.00) dê cenaze li Goristana Yenîkoy bê definkirin.

**

Li Şanoya Bajêr a Amedê bi beşdariya mebûsên HDP'ê, şanogerên hevalên wî merasimek hat lidar xistin. Piştî merasimê cenazeyê Yalçinkaya li Goristana Yenîkoy a Amedê hat definkirin. (Ev beş 12'yê mehê li nûçeyê hatiye zêdekirin)