Diyarname

Ajansên navneteweyî biryar dan ku daxuyaniya çapemeniyê ya ji bo pêşkêşkirina 63'yemîn Festîvala Fîlman a Cannesê protesto bikin. Daxuyaniya çapemeniyê ya eşkerekirina bernameyê 15'ê vê mehê li dar dikeve.

Bi hatina navdarên sînemayê re ku derbesî qesra festîvalê dibin her festîval dest pê dike û rojnamegerên di ajans û beşên din ên çapemeniyê de dixebitin wêneyên wan dikişînin. Îsal festîvalê sînor danî ber vê yekê. Ajansên bi navê AFP, Reuters û AP ji bo şermezarkirina vê sînorê beşdarî daxuyaniya çapemeniyî ya sibê nabin.

Rayedarên festîvalê mafên weşanê firot "Canal Plus", mafê dîmenên bi ser înternet û telefonên destan re jî firot Orangeyê û ji ber vê yekê sînor danî ber çapemeniya dîtbarî.

Ajans jî li hemberî vê yekê dest bi protestoyê kirin.

63'yemîn Festîvala Fîlman a Cannesê îsal di navbera 12-23'yê gulanê de dest pê dike û 20 fîlm ji bo xelata mezir, Xelata Palmiyeya Zêrîn wê bikevin pêşbaziyê. Serokê juriyê yê îsal Tim Burtonê amerîkayî ye.

Li bendê ne ku festîval bi fîlmê Ridley Scott 'Robin Hood' ku serlîstikvaniya wî Russel Crowe dike dest pê bike.

Tê gotin ku wê fîlmên kesên wekî Terrence Malick, Stephen Frears, Rachid Bouchareb, Woody Allen, Abbas Kiarostami bêne nîşandayîn.