Diyarname

Kovara Tîrojê hejmara xwe ya nû derxist. Kovarê di hejmara xwe yanû de mijara “Kawayê min” girtiye dest. 

Tîroj ku bi tirkî û kurdî weşanê dike, du mehan carekê derdikev bi hejmara xwe ya adar-avrêl, bi hejmara xwe ya 43’yan derket pêşberî xwendevanên xwe.
Kovarê wekî her hejmarê di vê hejmarê de jî dosyayeke amade kiriye. Mijara dosyayê ya vê hejmarê “Kawayê Min” e.Di dosyayê de nivîsên kesên wekî Kawa Nemir, Sennur Sezer, Arjen Arî, Ahmet Tulgar, Halil İncesu û Mehmet Atli hatine weşandin. 

Wekî dosyayeke duyem jî forûma ku Aylin Goçmen, Esra Çiftçi,. Fadime Ozkan, Muge İplikçi, Sennur Sezer, Yildiz Ramazanoglu û Ture Ozçelik beşdar bûbûn hatiye weşandin. Forûma ku li ser zarokên ku kevir hilweşandine û ew avêtine girtîgehê ye, meseleyê bi dorfirehî digire dest. 

Di nav nivîsên kurdî yên kovarê de Yildiz Çakar bi navê “Xweza, ji bo jinên xwe dadî û wekheviyê dixwaze!” nivîseke li ser 8’ê Adarê Roja Jinên Kedkar a Cîhanê nivîseke nivîsandiye. Mukît Arslan jî bi navê “Belgefîlmê çavkaniya hunera kurd Evdalê Zeynekê hat kişandin” nivîsa xwe pêşkêş kiriye û di nivîsê de bal kişandiye ser jiyana dengbêjê mezin Evdalê Zeynikê û belgefîlmê ku niha li ser wî hatiye kişandin. Di dawiyê nivîsê de jî klama Evdalê Zeynikê ya bi navê “Dêrsim” ku Evdalê Zeynikê bi xwe wesiyet kiribû û gotibû “Vê klamê ji bîr nekin” hatiye weşandin.
Dawud Rêbiwar, bi sernavê “Ha ji te re werger!” li ser soneyên William Shakespeare ku Kawa Nemir wergerandiye kurdî nivîseke nivîsandiye. Receb Dildar jî çîroka wî ya bi navê “Li dû xezalekê” hatiye weşandin.

Yek ji nivîsa ku derdikeve pêş jî nivîsa bi navê “Şivantî” ya Enver Ozkahraman e. Ozkahraman li ser karê şivantiyê, zehmetiyên wê, têgehên wê nivîseke amade û pêşkêş kiriye.