Diyarname
37'emîn Festîvala Fîlman a Navnetewî ya Stenbolê ku îsal di 9 salonên sînemayê de ji 43 welatan 210 fîlman pêşkêş dike bi merasimek dest pê kir. Heta 17'ê mehê nîşandayîna fîlman, konser, gotûbêje û pêşangeh li benda temaşevanan in.
Ji bo destpêkirina festîvalê li Navenda Kongreya Lutfu Kirdarê merasim li dar ket. Di merasima ku pêşkêşvaniya wê Cem Davran kir de bi sedan lîstikvan, derhêner, nivîskarên sînemayê û sînemahez hatin ba hev. Di şevê de pêşî plaket dan saziyên ku piştgirî didin festîvalê û dûre xelatên ked û rûmetê hatin dayîn.
Xelata rûmetê dan lîstikvan Perîhan Savaş ku ew ji 5 saliya xwe ve di nav karê lîstikvaniyê de ye. Savaş xelata xwe ji destê lîstikvan Erkan Kolçak Kontendil ku ew her du niha di rêzefîlmê "Çukur" de bi hev re dilîzin girt.
Cevdet Pişkin ku temena xwe di nav karê birêvevbirina salona sînemayê de borand, ev 20 sal in ku midûriya Sînemaya Atlatê dike xelata kedê girt. Dîrektorê Festîvalê Kerem Ayan xelat da Pişkin.
Sazkarê fîlman Arif Keskiner ku heta niha "Otobus", "Kapicilar Krali", "Selvi Boylum Al Yazmalim", "Maden", "Koşeyi Donen Adam" û "Piyano Piyano Bacaksiz" jî di nav de sazkariya gelek fîlmî kiriye. Keskin bi vê yekê xelata kedê ya sînemayê girt. Sonay Kanat ku ew jî ligel Keskin di setê de xebitiye xelat pêşkêşî Keskin kir.
Derhêner Aram Gulyuz ku di sala 1960'î de dest bsi kişandina fîlman kiriye heta niha 140 fîlm kişandine. Bi vê yekê li Tirkiyeyê rekora derhênerê herî zêde fîlm kişandine di destê wî de ye. Wî jî xelata kedê ya sînemayê girt. Lîstikvan Perran Kutman xelat pêşkêşî Gulyuz kir.
Her wiha nivîskar Osman Şahîn jî ku 23 çîrokên wî bûne fîlm xelata kedê ya sînemayê girt. Atîlla Dorsay xelat pêşkêşî wî kir. Şahîn ji bo sipasiyê axivî û qala bîranînên xwe jî kir. Şahin got ku Yilmaz Guney jêre gotiye nivîsên te ne tenê nivîs in, dîmen bi xwe ne jî, lê tu fîlm nekirişîne, tenê binivîse, tu bikevî nava kişandinê tuyê jî xira bibî.
Fîlm di binê 18 beşan de têne nîşandayîn. Pêşbaziya Fîlmên Navneteweyî, Neteweyî, Belgefîlm, Mafên Mirovan hene. Di nav fîlman de fîlmên derhênerên kurd jî hene.
Fîlm li Beyogluyê li salonên Atlas, Beyoglu û Muzeya Perayê; li Nîşantaşî li Cinemaksîmum City's; li Gayrettepeyê li Cînemaksîmum Zorlu û li Kadikoyê jî li Salona Reksê û li Sînemaya Kadikoy têne nîşandayîn.
Bilêtên fîlman nava hefteyê di seansên 11.00, 13.30 û 16.00 de û bilêtên belgefîlman bi 8 TL'yî têne firotin. Seansên 19.30, 21.30 û hemû seansên dawiya hefteyê tam bi 22 TL, yên taxistî bi 15 TL'yî têne firotin.
Ji bo agahiyên zêdetir: http://film.iksv.org
**
Nûçeyên Eleqedar:
- Ji bo 30 saliya 'Arabesk' konser û nîşandayînek taybet
- Bernameya festîvalê hat eşkerekirin: 210 fîlm hene
- Ji bo qerta çandî nêzî 115 hezar xwendekarî serî lê da
- Pelin Esmer bû seroka juriyê
- Ji bo 100 saliya Bergman guldesteyek ji fîlmên wî
.jpg)
.jpg)
