Diyarname

Li Stenbolê Hoç-Fed  derbasî avahiya xwe ya nû bû. Li salona Hoç-Fedê navê Akif Yilmaz li saloneke kirin û her wiha navê Îsmaîl Beşîkçî jî li pirtûkxaneyê kirin.

Federasyona Komeleyên Hoçvanê HOÇ-FED salek berê avahiyeke girtibû û dest bi restorekirina wê kirine. Roja 31'ê gulanê bi merasimekê HOÇ-FED'ê avahiya xwe li Esenyurtê vekir. Di vekirinê de Şaredarê Sêrtê Tuncer Bakirhan, Hevserokê HDP'ê Ertugrul Kurkçu, wênesaz Ahmet Guneştekîn, lêkolîner Faik Bulut, hunermend Hozan Dîno û Xêro Ebbas, televîzyonkar Balçiçek Pamir,  stranbêj Alişan, Serokê Weqfa Îsmaîl Beşîkçî Beşikçi Îbrahîm Gurbuz, Hevserokê BDP'ê Emrullah Bingol û gelek kesên navdar û gel amade bûn.

Hevserokê BDP'ê Selahattin Demirtaş jî peyamek ji bo vekirina federasyonê şand.

Navê Akif Yilmaz (ji Qersê ye, di sala 1982'yan de ligel Kemal Pir, Hayri Durmuş û Ali Çiçek di Rojiya Mirinê de jiyana xwe ji dest da) li saloneke kirin. Her wiha pirtûkxane jî navê Îsmaîl Beşîkçî li pirtûkxaneyê kirin. Serokê HOÇ-FED'ê Yakup Mavzer ji bo Akif Yilmaz wisa got: "Ew rûmeta me ye. Me navê wî li konferansê kir, bi vî awayî a rast me rûmeta xwe parast. Me deynê xwe yê wefadariyê ji bo wan da." Her wiha Mavzer got ku gelek projeyên wan hene, bi kurdî û tirkî hin bernameyên wan ên perwerdehiyê hene û ewê di demên pêş de eşkere bikin.

HOÇ-FED di sala 2008'an de hatibû vekirin