Diyarname
Avakarê Facebookê Mark Zuckerberg û jina wî Priscilla Chan soz dan ku di 10 salên pêşiya me de 3 mîlyar dolar alîkarî bidin xebatên lêkolîna ji bo tenduristiyê.
Her duyan li San Franscisco daxuyaniya çapemeniyê li adr xist û got: "Armanca wan a sereke heta dawiya sedsalê ew e ku hemû nexweşiyan derman bikin, pêşî lê bigirin û bixin bin kontrolê."
Herduyan di berfanbara 2015'an de Însiyatîfa Chan Zuckerber ava kiribû û pereyê cihan bêne dayîn dê ji ser vê însiyatîfê re bêne belav kirin. Ev demek e mezinên teknolojiyê berê xwe dane ser tenduristiyê. Demek berê Microsoftê jî gotibû ku ew armanc dikin ku bi bikaranîna cîhazên jîrekiyê qansêrê 'çareser' bikin.
Beşa DeepMind a Google ligel NHS (Pergala Tenduristiya Neteweyî) ya li Îngilistanê ji bo teşhîsek a li ser nexweşiyan rêbaza kompîturan bikar tîne.
Zuckerberg got ku di alîkariya ji bo lêkolînan de dê sê rêgezan bigirin ber çavan û ew wisa rêz kirin:
- Anîna cem hev a zanyaran û endazyaran.
- Hilberandina teknolojî û cîhazên lêkolînan pêşvetir bibin.
- Ji bo li dinyayê zêdetir alîkarî ji bo lêkolînan bê mezinkirina tevgerê.
Navenda Biohub vekirin
Chan ragihand ku wan navenda Biohub çêkirine ku ew dê endazyar, pisporên kompîturan, kîmyager û pisporên din bîne ba hev; ji bo vê 600 mîlyon dolar razandinê.
Biohub di serî de dê li ser du projeyan bixebite. Yek ji van Atlasa Hucreyê ye ku hucreyên cuda yên di laş de dide nasîn.
Ya din jî Însîyatîfa Nexweşiyên Belav Dibin e ku ev jî dê li ser test û derzîkirina nexweşiyên wekî HIV, Zîka, Ebola û nexweşiyên ku nû derên bixebite.