Diyarname

Ji bo Euro 2024'an Almanya û Tirkiye berendam in. Di vê serdema ku dê li ser berendamiyê nîqaş bê kirin de UEFA'yê rêgeza mafên mirovan jî derxist pêş. Li gor nûçeya Al Jazeera, UEFA'yê ji bo Almanya û Tirkiyeyê kîteyên divên ragihandine. Di nav xalên ku hatine pêşkêş kirin û xwestine berendam bînin cih de hurmeta ji bo mafên mirovan jî anîne ziman. Ev yek di dîroka UEFA'yê de yekemîn car e çêdibe.

Serokê UEFA'yê Aleksander Caferin wisa gotiye: "Parastina mafên mirovan û mafên karkeran ji bo UEFA'yê xwedî wateyeke girîng e. Di dema berendamtiyê de rêgezên parastin û çavdêrîkirina mafên mirovan a ji bo berendamtiyê ji bo me gaveke ku bi paş ve neyê avêtin e. Ji niha û pêde di hemû tûrnûvayên ku UEFA dê li dar bixe de û di fînalan de divê xwediyê malê li gor van rêgezan tevbigere."

Li gor bernameyê Tirkiye û Almanya divê heta 27'ê avrêla 2018'an dosyayên xwe temam bikin û teslîmê UEFA'yê bikin. Welatê ku dê ji bo Euro 2024'an mazûvanî bike di rezbera 2018'an de dê bê eşkere kirin.