Diyarname
Weqfa Çand û Hunerê ya Stenbolê (ÎKSV) ku çend festîvalan li dar dixe şanenava xwe davêje bin çalakiyeke din a hunerî. ÎKSV vê carê Bîneala Tasarimê ya Navneteweyî ya Stenbolê li dar dixe. Bîenala Tasarimê ku wê sala 2012’yan de li dar bikeve ji bo ragihandina wê daxuyaniyeke dan çapemeniyê
1’emîn Bîenala Tasarimê ya Navneteweyî ya Stenbolê wê sala 2012’an de li dar bikeve, heta amadekirina bîenalê temam bibe wê sempozyûm, atolye û pêşangehên cur bi cur li dar bikevin. Di vê çarçoveyê de yekemîn xebat wê di navbera 2-3 berfanbara 2010’an de li Zanîngeha Kadir Has bi navê “Sempozyûma Tasarimê ya Navneteweyî ya Stenbolê” li dar bikeve.
Ji bo daxuyandina Bîenala Tasarimê 13’ê mehê li Salona ku li avahiya ÎKSV’ê ye civîneke çapemeniyê hate li dar xistin. Serokê ÎKSV’ê Bulent Eczacibaşi û Dîrektora Bîenala Tasarinê ya Navneteweyî ya Stenbolê Ozlem Yalim beşdar bû.
Eczacibaşi got ku di rêya ku ber bi yekemîn Bîenala Tasarimê ya Stenbolê diçe de ew dixwazin aktorên herêmî û global bînin ba hev, qadeke hevpar ji bo wan saz bikin, vegotina tasarimê di rojevê de bigirin, bi vê jî fikrên nû biafirînin û li welatê me polîtîkayên tasarimê saz bikin.
Yalim jî da zanîn ku lijneya şêwrê dê biryara kuratorek bide û ew jî dê çarçoveyê diyar bike. Yalim got ku hedefa wan ew e ku li ser Stenbolê û tasarimê bingeheke ku bi hemdemiyê ve girêdayî ne, vê digirin bin lêpirsînê, pirsgirêkan derdixin holê digirin dest.
Di nav Lijneya Şêwrê ya Neteweyî ya Bîenala Tasarimê ya Stenbolê de Fturîst û Serokê Lijneya Rêveberiyê ya Brightwell Holdingê Alphan Manas, Tasarimkarê Endustriyel û Hîndekarê Zanîngeha Bahçeşehîrê Doç. Dr. Mehmet Asatekin, Mîmar û Edîtorê Kovara Arrademanto Mîmarî Ugur Tanyeli, Grafik Tasarimkar û Avakarê Şêwirmendê Bek Tasarim Bulent Erkmen, Mîmar û Avakarê Koleksiyon Mobîlya Faruk Malhan, Dîrokzanê Hunerê û Şef Kuratorê Muzeya Hunerê ya Modern a Stenbolê Levent Çalikoglu û Endustriyel Tasarıimkar û Avakarê Koz Studio Defne Koz cih digirin.
Di nav Lijneya Şêwirmendî ya Navneteweyî ya Bîenala Tasarimê de jî Dekanê Berê yê Fakulteya Tasarimê ya Zanîngeha Hong Kong Polytechnicê John Heskett, CEO’yê Material Connexion George Beylerian, Dîrektorê Muzeya Tasarimê yê Londonê Deyan Sudjik û Dîrektorê Muzeya Vitra Tasarimê Aleksander von Vegesack cih digirin.
Di nîveka yekemîn a sala 2011’an de wê kuratorê/a bîenalê bê diyarkirin.