Diyarname

Ji Başûr hikumet, parlemen, partî, rêxistinan tewqîfkirina Hevserokên HDP'ê û mebûsên wan şeremezar kir. Vane daxuyaniyên ji Başûr hatin:

Serokatiya Herêma Kurdistanê: Ev ne di xizmeta aramî de ye

Biryara girtina her du Hevserokên Partiya Demokrasiya Gelan û hejmarek ji Parlementerên wê partiyê û dest bi serkirina wan ji aliyê Hikumeta Tirkiye ve cihê nîgeraniya me ye. Metirsiya ewe heye ku kirdarên bi vî awayî bibê sedema aloztirbûna rewşê û kêşe û pirsgirêk kûrtir bibin. 

Hêvîdarin ku her çi zûtire ew kêşe bê çareser kirin û dawî bi girtin û dest bi serkirina Hevserok û endamên Partiya Demokrasiya Gelan bê û girtiyên siyasiyên wê partiyê bêne azad kirin. Ji ber ku ne li xizmeta aramî û pêkvejiyana siyasî û civakî da ye."

Serokê Parlemenê Mihemed: Me ji Iraqê xwest xemginiya me ragihîne Tirkiyeyê

Serokê Parlamentoya Herêma Kurdistanê Dr. Yusif Mihemed  got; “Ev kiryarên AKP’ê  tê wateya paşketinek mezin di demokrasiya Tirkiyê de. Ev yek li dijî projeya aştiyê ye. Em bi navê gelê Kurdistanê van êrîşên li ser parlamenterên kurd şermezar dikin.

Me bi awayek fermî ji Hikûmeta Herêma Kurdistanê û Wezareta Derve ya Hikûmeta Iraqê xwestiye ku bi rêya sefaretxaneya Tirkiyeyê xemgîniya gelê kurd ji dewleta Tirk re ragihîne. Hêvîdarim ku civaka navnetewî û  bi taybet Yekîtiya Ewropa zextên li ser  dewleta Tirk zêdetir bike, ji bo dawî li van êrîşên xwe yên ser demokrasiyê bîne.

Ger dewleta Tirk dev ji van kiryarên xwe yên li dijî gelê kurd bernede, em nikarin pêwendiyan ji bo xizmeta gelê kurd û tirk bikin. Bi vî şêweyî dewam bike em nikarin têkiliyan li gel dewleta Tirk dewam bikin. Rejima Sedam Huseyîn jî di dema xwe de nexşeyekî li ser Kuwêt bilev kir û Kuwêt wekî Parêzgeha 19'mîn a xwe bi nav dikir. Lê belê em hemû çarenûsa Sedam dizanin. Em niha dijminahiya dewleta Tirk ya li dijî gelê me yê Bakûr û Rojavayê Kurdistanê dibînin."

Resûl: Girtina Hevserokên HDP'ê ji bo aştiyê xeteriyeke

Cigîrê Yekem ê Sekreterê Giştî yê YNK’ê Kûsret Resûl daxuyaniyekî nivîskî da û got: "Ji aliyê hikumeta Tirk ve girtina Hevserokên HDP'ê Selahattîn Demîrtaş û Fîgen Yûksekdag  û nûnerên kurdan em gelek xemgîn kirîn. Di demek wisan de ye gelê kurd li bendê bû pêvajoya aştiyê ji nû ve dest pê bike, ji bo çareserkirina pirsgirêka Kkurd li Tirkiyeyê. Gelê kurd ne li bendê bû ku girtin û astengkirina azadiyan pêk werin. Girtina hevserokên şaredariyan û hevserokên HDP’ê ji bo aştiyê xeteriyek e.

Em van girtinên li bakurê Kurdistanê pêk tên bi tundî şermezar dikin. Em dubare dikin ku bi astengiyên li pêşiya  mafê rewayê gelan û demokrasiyê pirsgirêkan çareser  nake. Ev kiryarên ku tên kirin pirsgirêka kurd aloztir dike û rêya goftûgoyê asteng dike. Em Ddaxwazê ji hukimeta Tirk dikin ku demil dest  nûnerên kurd bên azad kirin. Li dijî van aloziyan divê rêya demokrasiyê ji bo çareseriyê pirsgirêka kurd ya rewa were xurt kirin. Divê rêya aştiyane û azadiyane dest pê bikin."  

Goran: HDP beşek ji têkoşîna siyasî ya neteweyiya me ye

Koma Tevgera Goran ya li Parlementoya Herêma Kurdistanê got; “Em wekî koma Tevgera Goran li Parlemena Kurdistanê, girtina parlementer, Hevserokên  HDP û hevşaredarên DBP’ê  li bakurê Kurdistanê şermezar dikin. Em HDP'ê wekî beşek ji têkoşîna siyasî û netewiya xwe di bînîn.”

Serokê Koma Tevgera Goran ya Encûmena Parêzgeha Hewlêrê Abdurahman Muhendis jî wisa got; "Binçavkirin û girtina parlamenter û hevserokên HDP'ê karekî neqanûniye, ji ber ku ew îradeya gel in û ji aliyê gel ve hatine hilbijartin. Bi mîlyonan piştgirê wan hene. Ji ber vê nabe bêne binçavkirin. Ew siyasetmedar li Tirkiyeyê  dawaya mafê hemû gelan dikin. Pêwîst e li beramberî  van binçavkirina her çar parçeyen kurdistanê bi taybet başûrê Kurdistan û hikumeta Herêma Kurdistanê nerazîbûn û helwestek tund nîşan bide. Pêwîst e hemû alî û partiyên Başûr ji bo sermezarkirin biçavkirina Hevserokên HDP'ê dakevin qadan."

Partiya Komunîst: Girtina mebûsan pêvajoya aştiyê dûr dixe

Polîtburoya Partiya Komunîsta Kurdistanê jî daxuyaniyek nivîskî da, girtin şermezar kir û ragihand ku girtina parlamenteran pêvajoya aştiyê dur dixe.

Yekgirtû, Komel û Tevgera Îslamî jî derbeya AKP'ê şermezar kirin

Her wiha li Hewlêrê, li Wargeha Mexmûrê, li Çoman hat şermezarkirin

Hat gotin ku li Dukohê dê sibê çalakiyên şermezarkirinê li dar bikevin.

**

Nûçeyên eleqedar: 

- DYA: Em bi girtina HDP'yiyan aciz bûn 

-  Onder: Ev derbeyeke li hemberî vîna siyaseta sivîl

- NY, Alman, Îtalya û Fransayê reaksiyon nîşan da 

- Deqe bi deqe binçavkirin û tewqîfkirina HDP'yiyan