Diyarname
Îro Roja Hawirê ya Dinyayê ye. Neteweyên Yekbûyî di sala 1972'yan de li Stockholma Swêdê Konferansa Hawirê li dar xist û di vê konferansê de biryar girt ku 5'ê pûşperê bibe Roja Hawirê ya Dinyayê.
Di vê rojê de careke din tê bibîr xistin ku mirov li hawirê xwedî derkeve.
Di nav pirsgirêkên sereke yên hawirê de pirsgirêka qirêjbûna av û hewayê, xirabûna axê heye. Ev sê xal:
- Bi qirêjbûna avê ri jiyana sewalên li behrê xira dibe. Tê gotin ku divê masî û berhemên din ên behrê yên ji nav ava xirabîyû neyên xwarin. Di nav ava qirêj de soberî neyê kirin.
- Dema amûrên şewatê ne li gor asta xwe têne şewitandin hewa qirêj dibe. Bi bêhngirtin û dana li nav hewaya qirêj jî gelek nexweşî dertên. Di rewşa hewaya xirab de pergalan bêhngirtin û dayîna me xira dibe. Ri pelah relê re hewaya xirab dibe sedema mirinan.
- Dema gubre û îlacên cur bi cur bê zanebûn têne bikaranîn erd ji asta hilberînê dikeve u dikeve rewşek xirab. Ji bo erdeke baş gubre û dermanên ku di nav erdan bêne bikaranîn divê ji endazyarên zîraetê bêne pirsîn.
Ji bo parastina hawirdorê çend pêşniyar:
- Gol û çem divê bi qirêjiya mirov û heywaran neyên qirêjkirin.
- Çopên li ser hev kom bûne divê di cih de bêne berhevkirin. Divê pêşî li çêbûna kêçikên bizirar bê girtin, ger boriyên kanalîzasyonê xira bûbûn zû bêne çêkirin.
- Divê ardû baş bê şewitandin. Bi vî awayî hem pêşî li windabûna enerjiyê tê girtin, hem jî pêşî li qirêjbûna hewayê tê girtin.
Der û dor, hewa, av, ax yê her kesî ye. Hawir mala her kesî ye. Di vê rojê de ev yek careke din tê bibîranîn. Li ser vê yekê Roja Hawirê ya Dinyayê li gelek welatan tê pîrozkirin. Li Tirkiyeyê jî.
Di vê rojê de bi navê "Têkiliya Çep-kesk û bazarên organîk" sohbeteke lidar dikeve. Xebata ku ji aliyê Koma Xebatê ya Çep û Kesk ve tê organîzekirin 5'ê mehê saet 18.30'yan de li Odeya Mihendizên Makineyê ya li Stenbolê li dar dikeve.