Diyarname

Bênîqaş ji bo hemû dinyayê aştî lazim e. Helbet ji bo Tirkiyeyê jî û ji bo hemû kurdan jî. Heta niha gelek kesî li ser aştiyê tiştin kirine; hinan stran got, hinek nivîs nivîsîn, hinekan pirtûk. Li hin welatan ew aştiya divê hat cih, li hinek welatan şer berdewam e bi taybetî jî li welatên Rojhilata Navîn. Û li Tirkiyeyê jî. Niha li Tirkiyeyê komek aştîxwazan klamek ji bo aştiyê çêkirin û navê "Barişa Agit" (Lorînek ji bo Aştiyê) lê kirin. Bi gelek zimanan hatiye amadekirin ev stran, ev şîn an lorîn...

Gotin û muzîkê wê aîdê Cuneyt Demir in, muzîk Erol Agit, derhênerê hunerê Ozan Mecit, fikir ji Şerocan derketiye û derhêneriya klîbê jî Cuneyt Demir kiriye. 

Banu Guven wekî nûçeyê bixwîne vedibêje û hunermendên wekî  Serhat Çarnewa, Şehrîbana Kurdî, Hozan Aydin, Ozan Mecit, Ozlem Sal, Berçîn Demîr, Sûavî, Mustaya Kaya, Pinar Aydinlar, Abidîn Bîter, Cevdet Bagca, Bedros Daglayan, Erol Berxwedan, Gulistan Tokdemîr, Celal Bîroj, Samet Toprak, Şerocan, Salih Hêvîdar ked dane.

Em jî vê klîbê wekî Klîba Hefteyê hildibijêrin û pêşkêş dikin.
Fermo: