Diyarname

Akademîsyenan bi daxuyaniya "Em nabin şirîkê vî sûcî" gotina xwe gotibû û pêre gelek akademîsyenên îmze avêtibû wê metnê rastî lêpirsînan hatibûn. Dûre akademîsyenan daxuyaniyek din weşandibûn û gotibûn "Ligel hemû tehdîdan em bi paş ve gav navêjin." Û sê akademîsyenên ku ev daxuyaniya dawî xwendibûn hatin binçavkirin. Ji wan akademîsyenan Muzaffer Kaya (Ji Zanîngeha Nîşandaşi ji kar hatibû avêtin), Hîndekara Zanîngeha Bogazîçî Cîgira Doç. Esra Mungan û Hîndekarê Zanîngeha Hunerên Bedew a Mîmar Sînan Doç. Kivanç Ersoy piştî binçavkirin dozger ji bo tewqînkirinê ew şandin cem dadger. Dadgeriya 5'emîn Sulh Cezayê ya Stenbolê bi îdîaya "propagandaya rêxistina terorê" ji xala 301'ê ya TCK'ê ew vê êvarê tewqîf kirin.

Di vî navberê de Hiqûqzanê Zagona Bingehîn Prof. Îbrahîm Kaboglu ji bo Dîkenê wisa got: "Zagona Bingehîn di van demê dawî de ji bo rojnamegerên girtî Erdem Gul û Can Dundar biryar da û vê biryarê nîşan da ku dadgehên bi awayekî hêsan biryara tewqîfkirinê didin Zagona Bingehîn binpê dikin."