Diyarname 

Romanivîskar û qunciknivîskara rojnameya Ozgur Gundemê Asli Erdogan ku ev du roj bûn binçavkirî bû piştî derxistin pêşberî dadger, dadger ew tewqîf kir û şand girtîgehê...

Îro nivîskar hatibûn ba hev, piştgiriya xwe ji bo Erdogan diyar kiribûn. Li dor 150 nivîskarî îmze avêtibû bin metna piştgiriyê. ..

Erdogan di heman demê de fîzîknas e û wekî yek ji pênc fîzîknasên baş a dinyayê tê hesibandin. Heta niha wê gelek xelat girtine, gelek rojnameyên dinyayê li ser wê nûçe çêkirine...
 

Asli Erdogan kî ye?

Asli Erdogan di sala 1967'an de hatiye dirê, Lîseya Robert a Amerîkan, dûre li Zanîngeha Bogazîçî beşa Endazyariya Kompîturê xwendiye. Lîsansa xwe ya bilind li CERN'ê (Conseeil Europeen pour la Recherche Nucleaire) amade kiriye. Li Rio de Janeiro li ser fîzîkê doktora çêkiriye lê nîvco hiştye. Di sala 1994'an de yekem pirtûka wê derketiye. Di qada neteweyî û ya navneteweyî de gelek nivîsên ku serketina wê nîşan didin hatine weşandin, di sala 1997'an de bi çîroka xwe "Deutsche" xelata yekemînî girtiye ku ev çîrok li 9 zimanan hatiye wergerandin.

Romana wê "Kirmizi Pelerinli Kent" ji aliyê Weşanen Gyldendal (Norwecê) ji bo beşa rêzepirtûkên Marg (omîrîlîk) hatiye hilbijartin.

Wekî din pirtûkê wê "Hayatin Sessizliginde" (2005) ji aliyê Weşanên Dunya wekî pirtûka salê hat hilbijartin ku beşek ji vê pirtûkê li Şanogeha Piccola (Li Mîlanê) ji aliyê Serra Yilmaz ve hat xwend, ew li şanoya dansê û baleyê hat lêanîn, derxistin ser dikê.

Çîroka bi navê "Mahsup" li Fransayê jê fîlmekî hat çêkirin. 

Ew wekî Nivîskara BAjarê Zurihê (2012) hat hilbijartin, di sala 2013'yan de jî xelata "Words Vithout Borders" girt. Di sala 2010'an de Xelata Sait Faik girt.

Di serî de Le Monde, Frankfurter Allgemeine Zeitung, Neue Zürcher Zeitung, die Welt, der Freitag, die Berliner Literatur Kritik gelek rojname û kovarên li dinyayê li ser nûçe çêkirin.

Erdogan ku di Radîkalê de dest bi qunciknivîskarî kiribû heta hat girtin jî di Ozgur Gundemê de ev kar dom dikir.

Pirtûkên wê ev in:

- Kabuk Adam (1994)

- Mucizevi Mandarin (1996)

- Kirmizi Pelerinli Kent (1998)

- Hayatin Sessizliginde (2005)

- Bir Yolculuk Ne Zaman Biter (2000) (Nivîsên rojnameyan)

- Bir Delinin Guncesi (2006) (Ceribandin - I)

- Bir Kez Daha (2006) (Ceribandin)

- Taş Bina ve Digerleri (2009)