Ayşe Yildirim

Çapemeniya alîgir wekî "Qendîlê Biçûk" bi nav kir navbera Licê, Hezro û Karazê ku li wê derê 11 rojan "biryara qedexeya derketina derve" hat dayîn û TSK'ê bîlançoya operasyona ku "Bi serketî bi dawî bû" eşkere kir?

- 7 hezar û 500 hêzên ewlehiyê beşdarî operasyonê bûn

- 67 mîlyon heb hîntkenevîrî hatin îmhakirin.

- Bi temamî 15 hezar û 414 kîlo esrar hat îmhakirin.

- 14 endmanên rêxistina terorîst hatin bêbandorkirin.

-  Ji 305 kesên hatin binçavkirin 43 jê hatin tewqîfkirin.

- 43 stargeh û şikeftên terorîstan bikar dianîn hatin xirakirin, 5 ton malzemeyên debarê û kinc hatin îmhakirin.

- 20 ton amonyum nîtrat ku ji bo teqemenî tê bikaranîn û 64 teqemeniyên hatibûn çêkirni hatin bi dest xistin.

- 22 erebeyên endamên rêxistina terorîst ji herêmên din dizîbûn anîbûn vir ku dê ji bo çalakiyên bombeyî bikarbianiya hatin bi dest xistin.

Em bên ser meseleya ku çapemeniya hewzê* ev nûçe çawa weşandin. Rojnameya Guneşê bi manşeta "Qendîla Biçûk" hat paqijkirin: 

"Operasyona li çoltera di navbera Amed û Çewligê de ku bi beşdariya 24 tabûr leşkeran li dar ket bi dawî bû. Derbeyek giran li PKK'ê dan. Tilyakê bi buhaya 16 mîlyar lîra û şikef hatin îmhakirin. 22 erebeyên dê çalakiya bombeyî de bihata bikaranîn û 20 ton teqemenî hat bidest xistin. 3 komên terorîst ên her yek 25-30 kes bûn bi operasyonên noqteyî hatin belavkirin."

Divê mirov ji ku dest pê bike. Em bibêjin teqemeniya ku dibêjin amonyum nîtrat gubre bi xwe ye?  Em ji 43 kişeft û stargehên ku 15 "terorîst" têde xwe vedişartin? Yan em ji 5 ton malzemeyên debarê û kinc ku 14 terorîstan bikar dianîn dest pê bikin? Yan em qala tilyakê "derbeyek mezin lêdane" dest pê bikin?

Di sala 2013'yan de dema pêvajoya çareseriyê dom dikir, di operasyona bi 500 hêzên ewlehiyê li dar ket tenê de ji vê operasyonên zêdetir esrar hatibûn îmhakirin: 23 ton.

Mirov ji kîjan alî ve binêre hev nagire, bi vê tenê jî ne bisînor e. Li zeryaya Mehleyê ya girêdayî Licê ji 34 kesên hatin binçavkirin 30 kes paşnavê wan Kocakaya bû. Hemû xizmên hev in. Tenê 4 kes paşnavên wan cuda bû ew jî li heman gundî dijîn. Ji van 15 kes hatin tewqî1kirin ku yek jê zarokek 16 salî ye. Tenê du kes paşnavê wan cuda ye. Ew jî Veysî Gokhan û Halise Balkaç in. Parêzer Îmran Gokdere dibêje gundiyên hatine girtin bi endamtiya rêxistinê, çalakiya mertalên zindî û hewldana şewitandina daristanê têne sûcdarkirin. Ew dibêje helbet ji van îdîayan yek jî ne rast e.

Kuştina ji gundiyan Mehmet Şîrîn Kocakaya jî li holê ye. Gundî dibêjin Kocakaya bi îşkenceyê hat kuştin. Parêzer Îmran Gokdere dibêje JOH'ê (Tevgera Taybet a Jendirmeyan) di îfadeya xwe de gotiye, "Ew wekî endamê rêxistinê di destê me de bû. Ji xirecirê ji dest reviya, me li dû gule reşandin, li erdê ket, serê wî li kevir ket, mir." Çiqas vegotinek nas e ne? Rapora otopsiyê li holê nîn e, kes pê nizane. Ji ber ku dozger destûrê nade parêzer raporê bibînin.

Birê Mehmet Kocakaya Erdal Kocakaya di nav kesên hatine girtin de ye. Gundî dibêjin JOH'ê îşkence li Erdal Kocakaya kir. Parêzer Gokdere dibêje, "Xwişka wan Rojda Kocakaya ku xwest birê xwe biparêze, jêre gotine were em birê te nîşanî de bidin û bi dîpçikên çekan li wê dane." Piştî cejnê dê parêzer li hemberî girtinê serîladana îtîrazê bide. Dê encam derê yan na meseleyek bi şik e lê gundiyên îşkence dîtine jî dê gilî bikin.

Gelê ku ligel her tiştî dest ji gundê xwe bernedane, bi biryar e ku ligel têkbirina bax û bexçeyên wan, sewalên wan jî ew amade ne Mehleyê ji nû ve ava bikin. 

Vane tiştên ku çapemeniya Erdogan, berdevkên AKP'ê, çapemeniya Qesrê veşartine, rûyê agahiyên din ku Serfermandarî, Walîtiya Amedê di daxuyaniya xwe ya fermî de cih nedane wan!

07.07.2016, rojnameya Cumhuriyetê

*Peyva "Çapemeniya Hewzê" ji bo çapemeniya hikumetê tê gotin.